_1693980289.gif "#")
धरान/ दशैँ सकिए लगत्तै तिहार नजिकदै गर्दा शनिवार धरानमा बोर्डबाइजर मेलोडी कन्सर्टको आयोजना हुँदा धराने दर्शकहरुले भरपुर मनोरञ्जन लिए ।
धरानको पब्लिक हाइस्कूलको प्रांगरणमा शनिवार भएको कन्सर्टमा अहिलेकी सर्वाधिक लोकप्रिय गायिका मेलिना राईसंगै धरानबाट उदाएका चर्चित गायक डिल्ली फोम्बो,गायिका सुनिता थेगिम ,गायक शुक्रराज लिम्बु, धरानको ब्यान्ड तपस्वी ब्याण्ड , र भोइस अफ नेपाल चौथो सिजनकी प्रतियोगी सबिना योङ्गहाङ्ग लिम्बुले प्रस्तुति दिएका थिए ।
गायिका मेलीना राईले कम्मरमाथि पटुकी, कुटुमा कुटु , शिरैमा शिरबन्दी, असारे महिना, एक कान दुई कान मैदान , माया बिरानी , तिमीले बाटो फेर्यो हरे, नाच फिरिरी, कसरी–कसरी ,रातो टिका निधारमा जस्ता आफ्ना चर्चित गीतहरु प्रस्तुत गर्दा दर्शकहरुले नाचेर साथ दिएका थिए । यस्तै गायक डिल्ली फोम्बोले तिम्रो लागि, माईली, तिम्रो सुन्दरता ,म माया लाउँदिन, आउछु म भनेर, कलिलो तामालाई लगायतका गीतहरु प्रस्तुत गर्दा युवा पुस्ता उनको गीतमा मन्त्रमुग्ध भएका थिए ।
फोम्बोलाई धरानको लोकप्रिय तपस्वी ब्याण्डले साथ् दिएका थिए । त्यसैगरी सुनिता थेगीमले चर्चित लोक आधुनिक गीत बिनायो कंगकंगसँगै बाबरी चलचित्रको चुलबुल तिम्रो बानी,आँखामा आउने सपनी र तिम्रो मुटु पनि लगायतका गीतहरु प्रस्तुत गरेकी थिइन भने लोकप्रिय रियालिटी शो भोइस अफ नेपाल–४ कि चर्चित प्रतियोगी सबिना योङ्गहाङ्ग लिम्बुले आजभोली तिमीले हिडनेबाटो मोडयौ र हिउँदोको घाम जस्तै लगायतका गीत गाएर दर्शकलाई पस्केकी थिइन् भने गायक शुक्रराज लिम्बुले आफ्नो चर्चित गीत तिम्रो कसम , मान्छे लगायतका गीतहरु प्रस्तुत गरेका थिए ।
