_1693980289.gif "#")
धरान । परीक्षा नियन्त्रकले विद्यार्थीमाथि अभद्र व्यवहार गरेको भन्दै विराटनगरको एक कलेजमा दुई घण्टा थुनिदिएका छन् ।
विराटनगरस्थित पूर्वाञ्चल विश्वविद्यालय परीक्षा नियन्त्रण कार्यालयका सहायक परीक्षा नियन्त्रकले अभद्र व्यवहार गरेको भन्दै विद्यार्थीहरुले दुई घण्टा थुनिदिएका हुन् ।
विद्यार्थीहरुले पूर्वाञ्चल विश्वविद्यालयले यही भाद्र २३ गते प्रकाशित गरेको परीक्षा केन्द्र तोकिएको सूचना खारेज नगरी पुनः २५ गते नयाँ सूचना प्रकाशन गरेको र हाल सञ्चालन भइरहेको परीक्षा अव्यवस्थित र अपारदर्शी भएको भन्दै आन्दोलन आन्दोलन चर्काएका थिए ।
विद्यार्थीहरुले हाल संचालन भएको परीक्षा स्थगित गर्नु पर्ने,सबै सम्बन्धित कलेजका परीक्षा केन्द्रहरू हरेक सेमेस्टरमा रोटेसनको आधारमा नियम अनुसार सञ्चालन हुनुपर्ने, परीक्षा केन्द्र परिवर्तन हुनुपर्ने लगायतका माग रोखेर आन्दोलन चर्काएका हुन् ।
इष्टर्न कलेज अफ इन्जिनियरिङ विराटनगरका विद्यार्थीहरूले सो परीक्षा केन्द्रमा विभिन्न माग राखेर छलफल गर्न जाँदा कुरै नसुनी आफूहरू माथि सहायक परीक्षा नियन्त्रक अजय कुमार साहले अभद्र व्यवहार गरेको आरोप लगाएका छन् । साहलाई कार्वाही गर्नुपर्ने माग राखेका छन् ।
