_1693980289.gif "#")
धरान । नवौ राष्ट्रिय प्रतियोगिताका लागि तयारी गरिरहेका सुनसरी महिला बास्केटवल टिमलाई झुना राईले आफ्नो झुनाज फिटनेस निःशुल्क प्रयोग गर्न दिने भएकी छन ।
राईले प्रशिक्षणमा रहेका १२ जना महिला बास्केटवल खेलाडीहरुको फिटनेसका लागि आफ्नो फिटनेस सेन्टर निः शुल्क रुपमा प्रयोग गर्न सहयोग गरेकी हुन । यही भाद्र ७ गते छनौट भएका सुनसरीका महिला र पुरुष बास्केटवल खेलाडीहरुले धरान रंगशाला कर्भडहलमा प्रशिक्षण गरिरहेका छन । उनीहरुको थप फिटनेसका लागि जिम र स्विमिङ्ग सहयोगी हुने भएकोले सुनसरी बास्केटवल संघका पुर्व कोषाध्यक्ष समेत रहेकी झुना राईले बताइन् । ।
सुनसरी महिला बास्केटवल टिममा डा. आशा राई, तनु राई, सितल तामाङ्ग, आस्था कुलुङ राई, निरुता राई, इक्सा लिम्वु, सम्झना राई, सेरिना लिम्वु, आशा लामा, एल्भिना गुरुङ्ग, नुमा लिम्वु र तनिशा श्रेष्ठ रहेका छन । त्यस्तैगरि पुरुष तर्फ विवेकमनि श्रेष्ठ, दिवस राई, सुसन श्रेष्ठ, विकेन चौधरी, रवि बास्फोर, सन्दिप श्रेष्ठ, समिर राई, नविन राई, हेमन्त राई, योक राई, कविन मगर र साहिल तामाङ रहेका छन । प्रशिक्षणमा रहेका सुनसरीका खेलाडीहरुले असोज पहिलो हप्ता प्रदेश १ खेलाडी छनौट प्रतियोगितामा सहभागिता जनाउनेछन् । छनौट प्रतियोगिताबाट प्रदेश १ महिला र पुरुष बास्केटवल खेलाडी छनौट गरिनेछ । छनौट भएका खेलाडीहरुले प्रदेश १ को प्रतिनिधित्व गर्दै असोज २८ गतेदेखि सुरु हुने नवौै राष्ट्रिय प्रतियोतिामा प्रतिष्पर्धा जनाउने सुनसरी बास्केटवल संघका अध्यक्ष नारायण सुवेदीले जानकारी दिए ।
