_1693980289.gif "#")
धरान । प्रदेश १ महिला पुरुष बास्केटवल खेलाडी र जुडो खेलाडि छनौट प्रतियोगताका लागि प्रदेश १ खेलकुद वोर्डका सदस्यसचिव हंसराज वाग्लेले आइतवार धरान १६ धरान रंगशाला स्थित इन्डोर कर्भडहल अवलोकन गरेका छन । सुनसरी छनौट प्रतियोगिताको उद्घाटन कार्यक्रममा आउने क्रममा आइतवार उनले अवलोकन गरेका हुन । वर्षायामको वेला प्रतियोगिता आयोजनाको लागि इन्डोर कोर्ट उपयुक्त हुने वताउदै प्रदेश १ बास्केटवल र जुडो खेलाडी छनौट प्रतियोगिताको लागि आवश्यक तयारी सुरु गर्न सुनसरी खेलकुद विकास समितिलाई निर्देशन समेत दिएका छन ।
नेपालमा नै बास्केटवल खेल धरानबाट सुरु भएको बास्केटवल खेलका दिग्गजहरुले वताउदै आएका छन् । वास्केटवल खेलको उर्वरभूमि मानिने धरानमा इन्डोर र आउटडोर दुवै राष्ट्रिय स्तरको प्रतियोगिता गराउन सकिने बास्केटवल कोर्ट उपलव्ध छन् । सातौ राष्ट्रिय खेलकुद प्रतियोगितामा समेत बास्केटवल खेलको राष्ट्रिय प्रतियोगिता धरानमा नै भएको थियो । केही समय अघि नेपालमा संपन्न १३ औ सागको तयारीका लागि धरानमा बास्केटवल खेलको ४९ दिन क्लोज क्याम्प समेत राखिएको थियो । क्लोज क्याम्पमा महिला र पुरुष ६४ जना खेलाडीहरु सहभागी रहेका थिए । सोही कर्भडहलमा प्रदेश १ वास्केटवल र जुडो खेलका खेलाडी छनौट प्रतियोगिताका लागि सदस्यसचिव वाग्लेले अवलोकन तथा निरिक्षण गरेका हुन् ।
सुनसरीको धरानमा फुटवल खेलको महिला पुरुष, वक्सिङ्ग खेलको महिला पुरुष र क्रिकेट खेलको छनौट खेल भइसकेको छ ।
