धरान । प्रदेश नं. १ का मुख्यमन्त्री राजेन्द्रकुमार राईले मुख्यमन्त्री तथा मन्त्रिपरिषद् कार्यालयमा कार्यरत कर्मचारी नटीलाल माझीको असामयिक निधनप्रतिे दुःख व्यक्त गरेका छन् । मुख्यमन्त्री राईले विहीबार स्वर्गीय माझीको अन्तिम संस्कारमा सहभागी हुने क्रममा श्रद्धाञ्जली अर्पण गर्दैं दुःख व्यक्त गरेका हुन् ।
माझी प्रदेश नं. १ मुख्यमन्त्री तथा मन्त्रिपरिषद् कार्यालयमा कार्यालय सहयोगी पदमा कार्यरत थिए । सुनसरी दुहवी–७, फर्साही स्थायी घर भएका ४९ वर्षीय माझीको अन्तिम संस्कार सुनसरी दुहवीको बूढीगंगा विश्रान्ति आर्यघाटमा गरिएको थियो ।
माझीको श्रावण ११ गते बुधबार निधन भएको थियो भने १२ विहीबार दाहसंस्कार गरिएको थियो ।
श्रावण ९ गते बिहान अचानक बेहोस भएका माझीलाई तत्कालै मोरङ टंकिसिनवारीस्थित विराट टिचिङ अस्पताल पु¥याउँदा चिकित्सकले मस्तिष्कघातको आशंका गरेकोमा उपचारकै क्रममा उनकोे निधन भएको थियो । स्वर्गीय माझीको अन्तिम संस्कारमा मुख्यमन्त्रीसहित सचिवालयका सदस्य एवं सल्लाहकारहरूका साथै मुख्यमन्त्री तथा मन्त्रिपरिषद् कार्यालयका सचिवहरू, कर्मचारीहरूको उपस्थिति रहेको थियो । स्वर्गीय माझीको परिवारमा श्रीमती र एक छोरी, ज्वाइँ छन् ।