विराटनगरमा सवारी चालक अनुमतिपत्र परीक्षा शुरु

धरान । मोरङको विराटनगरबाट पनि सवारी चालक अनुमतिपत्र (ड्राइभिङ लाइसेन्स) को लिखित र प्रयोगात्मक (ट्रायल) परीक्षा दिन पाइने भएको छ ।

प्रदेश १ यातायात व्यवस्था तथा सञ्चार मन्त्रालय अन्तर्गत रहेको यातायात व्यवस्था कार्यालय विराटनगरबाट लाइसेन्स र ट्रायल दिन मिल्ने गरी सेवा सुरु भएको हो ।

साउन ११ गते बेलुकादेखि विराटनगर यातायात व्यवस्था कार्यालय अन्तर्गत सेवाग्राहीले अनलाइन फाराम भर्नेगरी सेवा सञ्चालनमा आएको मन्त्रालयले जनाएको छ । प्रदेश १ मा यस अघि इटहरी, विर्तामोड, इलाम, धनकुटा र उदयपुरबाट ट्रायल दिने व्यवस्था गरिएको छ । यो सँगै प्रदेश नं. १ मा ट्रायल दिने स्थान ५ पुगेको छ । विराटनगरबाट नै यातायातका काम हुने भएकाले सेवाग्राहीलाई थप सहज हुने यातायात व्यवस्था तथा सञ्चारमन्त्री उपेन्द्र घिमिरेले बताए ।