_1693980289.gif "#")
धरान । विराटनगर – ३ कंन्चनबारीस्थित आर्या न्यूरो हस्पिटलमा एक जना विरामीको ‘व्रेना हेमरेज’ को सफल शल्यक्रिया भएको हो ।
फिस्टुलाको कारण भएको जटिल प्रकृतिको ‘ब्रेन हेमरेजको’ सफल शल्यक्रिया गरिएको अस्पतालले जनाएको ाछ ।
अस्तालका अनुसार मोरङको सुन्दरहरैचा नगरपालिका – १० बेलेपुर घर भएका ४८ वर्षीय विनोद कुमार साहको ब्रेन हेमरेजको सफल शल्यक्रिया भएको हो । अस्पतालका वरिष्ठ न्यूरो सर्जन तथा प्रबन्धक निर्देशक डा. पंकजराज नेपालले साहको ब्रेन हेमरेजको सफल शल्यक्रिया गरेका हुन् ।
उनको अवस्था देखेर उनका परिवार समेत आत्तिएका थिए । त न्युरोले सफल शल्यक्रिया गरिदिएपछि ढुक्क भएकोे साहको परिवारले बताएका छन् । साहकी श्रीमति सुनिता साहका अनुसार साहलार्इै १७ दिन अगाडी अर्थात २६ साउनमा टाउँको दुखेपछि साह बेहोस भएको बताइन् । उनले भनिन् ‘१० मिनेट जति बेहोस भएपछि रगतनै बमिट पनि गर्नुभयो । हामीले आतिएर विराटनगरको विराट टिचिङ्ग हस्पिटलमा लिएर गयौं । त्यहाँ २४ घण्टा आइसियूमा विरामी राख्नुपर्ने बताएपछि हामीले त्यहाँबाट आर्या न्युरो हस्पिटलमा लिएर आएका थियौं ।’
उनलाई वरिष्ठ न्यूरो सर्जन डा. पंकजराज नेपालले हेरेका थिए । डा. नेपालको टिमले पाँच घण्टा लगाएर साहको सफल शल्यक्रिया गरेको अस्पतालले जनाएको छ । न्यूरो सर्जन नेपालले भने ‘साहको ठाउँकोमा रगतको नशा गुजुल्टिएर बसेको थियो । त्यसलाई मेडिकल भाषामा एभी फिस्टुला अर्थात बुझ्ने भाषामा रगतको नशा गुजुल्टिएको भन्न सकिन्छ । त्यो रगतको नली फुटेपछि ब्रेन हेमरेज हुने हो,’ न्यूरो सर्जन डा. नेपालले भने, ‘पाँच घण्टा लगाएर विरामीको शल्यक्रिया गरेपछि हामीले करिब एक सेन्टीमिटर लामो गुजुल्टीएको नशा शल्यक्रिया गरि निकालेका थियौं ।’
विरामीको स्वास्थ्य अवस्था सुधार भएपछि बुधबार डिस्चार्ज गरेको डा. नेपालले बताए । उनले भने–‘ साहलाई वेन हेमरेज हुनुको प्रमुख कारण ब्रेनको आर्टरी नसा फुटेर मष्तिस्कमा रक्तश्राव भएर हो । यस्तो रक्तश्रावले ब्रेनको कोषहरुलाई नष्ट गर्ने गर्छ । ग्रिक भाषामा रगतलाई हेमो भनिन्छ । ब्रेन हेमरेजलाई सेरेव्रल हेमरेज, इन्ट्राक्रानिएल हेमरेज वा इन्ट्रासेरेव्रल हेमरेज पनि भनिन्छ ।’
यस्ता विरामी विरलै हस्पिटल आउने गरेका डा. नेपालले बताए । उनले भने, ‘ब्रेन हेमरेज जन्म जात पनि र इन्फेक्सनका कारणहरुले पनि हुने गर्दछन् । यस्तो विरामी जतिसक्दो चाँडै हस्पिटल आएको खण्डमा विरामीलाई बचाउन सकिन्छ ।’
१६ दिन हस्पिटल राखेपछि साहलाई बुधबार डिस्चार्ज दिएको छ । अहिले उनी आफै हिडडुल गर्न सक्ने भएका छन् । हस्पिटलका चिकित्सक सफल उपचार गरेर पुनःजन्म दिएको साहले बताए ।
