_1693980289.gif "#")
धरान । वराहक्षेत्र नगरपालिकाले भुमिहिन , सुकुम्बासी तथा अव्यवस्थित बसोबास समस्या समधानकालागि काम अगाडि बढाउने भएको छ । नगर स्तरीय भुमिहिन तथा सुकुम्बासी तथा अव्यवस्थित समस्या समधान समितिले वडामा अब्यवस्थित बसोबास ,भुमिहिन दलिल, भुमिहिन सुकुम्बासीलाई पूर्जा वितरणका लागि पक्रिया अगाडि बढाउने निर्णय गरेको हो ।
मङलवार बसेको समितिले जग्गा प्राप्तिका लागि बराहक्षेत्र वडा नं ७ बाट परिक्षण सुरु गर्ने निर्णय गरेको नगर प्रमुख रमेश कार्कीले बताए । वडामा पहिलो चरणमा स्थान तोकेर काम अगाडि बढाइने छ । राष्ट्रिय भुमि आयोगको निर्देशन बमोजिम वडा गत रुपमा बडा अध्यक्षको संयोजकत्वमा सर्व दलिय सहजिकरण समिति गठन गरिसकिएको नगरपालिकाले जनाएको छ ।
वडामा गठन गरिएको समितिले निस्सा बाँड्ने पक्रिया अगाडि बढाउने छ । निस्सा वितरण भए पछि नामजाँच, फिल्ड बुक, दर्ता प्रक्रिया , दाबी विरोधका कामहरु अगाडि बढ्न नगरप्रमुख कार्कीले बताए ।
नगरपालिकाले नगर प्रमुख संयोजक र उपप्रमुख सह–संयोजक रहेको सर्वदलीय समिति गठन गरेको छ । भुमिहिन तथा सुकुम्बासी तथा अव्यवस्थित समस्या समधानकालागि नगरपालिकामा नगर स्तरिय समिति र राष्ट्रिय भुमि आयोग सुनसरी सक्रिय रुपमा लागि परेका नगर प्रमुख कार्कीले बताए ।
सोमवार वराहक्षेत्र नगरपालिकामा राष्ट्रिय भुमि आयोग सुनसरी जिल्ला अध्यक्ष भगिरथ खत्वे, भुमि आयोजनाका सदस्य , आयोगको बिज्ञ सदस्य , नापी कार्यालय सुनसरीका कर्मचारी र नगर स्तरीय समितिका पदाधिकारी एव सदस्यहरुबीच छलफल समेत भएको थियो । भने मंगलबार नगरपालिकामा विभिन्न वडा अध्यक्ष विभिन्न पार्टी प्रतिनिधि विभिन्न शाखा प्रमुख लगायतको उपस्तिथिमा सो निर्णय गरेको सूचना अधिकृत पुकार पोखरेलले बताए ।
