धरान । शिक्षालाई व्यवहारिक रुपमा उतार्ने उद्देश्य लिएर सञ्चालन भएको प्राइम भिजन इन्टरनेशनल हस्पिटालिटी म्यानेजमेन्ट कलेजले आफ्नो ५ औं बार्षिक उत्सव तथा विद्यार्थी विदाई कार्यक्रम सम्पन्न गरेको छ ।
शिक्षालाई सामाजिक, व्यवसायिक र व्यवहारिक शिक्षाको विकासमा जोड दिँदै धरानमा सञ्चालनमा आएको कलेजले बार्षिक उत्सवसँगै कक्षा १२ को परिक्षा दिएका विद्यार्थीहरुलाई विदाई कार्यक्रमको पनि आयोजना गरेको होे ।
कलेजका डाइरेक्टर अनिल श्रेष्ठको अध्यक्षतामा सम्पन्न कार्यक्रममा विभिन्न विधामा उत्कृष्ट भएका विद्यार्थीहरुलाई सम्मान समेत गरेको थियो ।
धरान उप महानगरपालिकाका उपप्रमुख आइन्द्र बिक्रम वेघाको प्रमुख आतिथ्यमा समपन्न कार्यक्रममा कलेजले ‘स्टुडेन्ट अफ द इयर’ बाट मेला राईलाई सम्मान गरेको थियो । यसैगरी ’हस्पिटालिटि साईनिगं स्टार’ बाट एलिना राई, विद्यार्थीको छनौटबाट “बेष्ट टिचर अफ द इयर“ को उपाधि होटल म्यानजमेन्ट तर्फ संगीत सिग्देलले पाएका थिए । कार्यक्रममा नवराज बिष्टले कमर्सबाट उपाधि हासिल गरेका थिए भने ‘वेष्ट ईम्प्लोई अफ द इयर’ रोस्मिता श्रेष्ठ भएकी थिइन् ।
उक्त कार्यक्रममा कलेजले आफ्ना शेयर सदस्यलाई ढाका टोपी र दोसल्ला ओढाएर सम्मान गरेको थियो । कार्यक्रममा इलाका प्रशासन कार्यलय धरानका प्रशासकिय अधिकृत लोकमान श्रेष्ठ, धरान वडा नं १० का वडा अध्यक्ष विवेक राई लगायतको उपस्थिति रहेको थियो ।