_1693980289.gif "#")
धरान । राजनीतिक भागबण्डाकै आधारमा धरान खानेपानी व्यवस्थापन बोर्डमा राखिएका ६ जना कर्मचारीलाई हटाइएको छ ।
विगतमा राजीतिक दलको आडमा भनसुन गरेर जागिर खाएका उनीहरुलाई बोर्डबाटै हटाइएको जनाइएको छ ।
धरान उपमहानगरपाालिकामा निर्वाचित मेयर बोर्डको अध्यक्ष हुने प्रावधान रहेको छ । धरान उपमहानगरपालिकामा निर्वाचित भएदेखि नै धरानको दीर्घकालीन खानेपानी समस्या समाधानमा दत्तचित्त भएर लागेका मेयर हर्क साम्पाङ अहिले बोर्डका अध्यक्ष रहेका छन् ।
राजनीतिक दलको आडमा भर्ना भएका उनीहरुको काम सन्तोषजनक नभएको भन्दै हटाइएको बोर्ड स्रोतले जानकारी दिएको छ । उनीहरुलाई पटक पटक सचेत गराउदा पनि नसच्चिएपछि करार नवीकरण नगरी हटाइएको एक कर्मचारीले जानकारी दिए ।
बोर्डबाट हटाइएकाहरु कर्मचारीहरुमा पम्प अपरेटर परमपद भट्टराई, मिटर रिडर राजिव श्रेष्ठ, भल्भ अपरेटर बलिन्द्र बिक, चौकीदार अनिस कटवाल, चौकीदार राम तामाङ र हेल्पर हेमन्त भुजेल रहेका छन् ।
उनीहरु सबै नेपाली कांग्रेस र एमालेको आडमा नियुक्ती भएका थिए । मेयर साम्पाङले खानेपानी समस्या समाधानको विषयमा काम गरिरहँदा बर्खास्त भएका कर्मचारीहरुले राम्रो काम नगरेको उपमहानगरपालिकाका एक कर्मचारीले बताए ।
स्रोतका अनुसारा उनी कामभन्दा पनि बढी झारा टार्ने काम गर्ने, कामको समयमा अफिसमा गफ जोतेर बस्ने, हाजिरी गरिसकेपछि अफिस टाइममा घुमफिर गरेर विताउने गरेको पाइएकोले हटाइएको स्रोतले बताएको छ ।
नगरपालिकाका एक कर्मचारीले नाम उल्लेख नगर्ने शर्तमा भने, ‘उनीहरु राजनीतिक आडमा आएका थिए, राजनीतिक आडमा आएका कारण उनीहरुलाई काम नगरेपनि केही कार्वाही हुदैनथ्यो, तर हर्क साम्पाङ मेयर भएर आएपछि उनीहरुको कामप्रति असन्तुष्ट भएपछि हटाइएको हो ।’
