धरान । धरानस्थित बीपी कोइराला स्वास्थ्य विज्ञान प्रतिष्ठानका पूर्व उपकुलपति प्रा.डा राजकुमार रौनियाको निधनप्रति प्रतिष्ठानले शुक्रबार (आजं) एक दिन शोक विदा दिएको छ ।
प्रतिष्ठानका प्रवक्ता प्रा.डा.कृष्णा पोखरेलका अनुसार शुक्रबारका दिन प्रतिष्ठानमा शोक विदा दिनका साथै श्रावण ६ गते देखि ८ गतेसम्म ३ दिन प्रतिष्ठानको झण्डा आधा झुकाई शोक मनाउने निर्णय प्रतिष्ठानले गरेको छ ।
प्रतिष्ठानका पूर्व उपकुलपति तथा रेडियोलोजी विभागका प्राध्यापक डा.रौनियारको २०७९ श्रावण ३ गते मंगलवार असामायिक निधन भएको थियो । एक कुशल प्राध्यापकको निधनले प्रतिष्ठान लगायत राष्ट्रलाई नै अपुरणीय क्षति पुगेको भन्दै श्रावण ४ गते प्रतिष्ठानमा श्रद्धाञ्जली सभाको आयोजना समेत गरेको थियो ।