_1693980289.gif "#")
धरान । मोरङको विराटनगरमा एक बर्षीया बालिका अपहरणमा परेकी छन् । सोमबार विहान ८ बजे अपहरणमा परेकी उनको अवस्थाबारे प्रहरीले अझै पत्ता लगाउन सकेको छैन ।
प्रहरीका अनुसार विराटनगर–१३ रोड शेषकी ममता यादवकी छोरी निकिसा यादव सोमबार बिहान ८ बजे अपहरणमा परेकी हुन् । जिल्ला प्रहरी कार्यालय मोरङका प्रमुख शान्तिराज कोइरालाले बालिकाको अपहरण भएको जानकारी आएसँगै अपहरणकारीको खोजतलासीलाई तिब्रता बताएको बताए । उनले भने ‘बालिकाको अपहरण भएको जानकारी पाउनेवित्तिकै हामीले खोजतलासलाई तिब्रता दिएका छौ, हामी अपहरणकारीको नजिक पुगिसकेका छौं । उनले बालिकाको अपहरणको गम्भीर अनुसन्धानमा लागेको बताए । उनले भने ‘प्रहरीको अनुसन्धान टोली अपहरणकारीको नजिक पुगेको छौ, चार्ड हामी अपहरणकारीलाई पक्राउ गर्न सफल हुनेछौ ।’
बालिकाको बुबा दीपेन्द्र यादवले निकिसालाई रोड शेषनजिकै रहेको चियापसल पु¥याएका थिए । दीपेन्द्रको चिनजानमा रहेकी एक महिलाले निकिसालाई लिएर फरार भएको प्रहरीको भनाइ छ । के कारण बच्चालाई अपहरण गरेको हो भन्ने खुल्ननसकेको प्रहरीले जनाएको छ । बच्चा लिएर बेपत्ता भएकी युवती मोरङ, सुनसरीकै क्षेत्रमा रहेको प्रहरीको भनाइ छ ।
