धरान । धरान मामेघा थी्र वाइ थी्र एसइइ लेवल खुल्ला बास्केटवल प्रतियोगिता हुने भएको छ ।
धरान बास्केटवल संघको आयोजना तथा सुनसरी बास्केटवल संघको सहयोगमा हुन लागेको प्रतियोगिताको प्रयोजन धरान मेघा कलेज गर्ने भएको छ । प्रतियोगिता साउन ३ र ४ गते दुई दिन हुन लागेको आयोजकले जानकारी दिएको छ । प्रतियोगितामा कक्षा ५ देखि यसै वर्ष एसइइ दिएका विद्यार्थी खेलाडीहरुले सहभागिता जनाउन पाउनेछन् । प्रतियोगितामा धरान संगै विर्तामोड, उर्लावारी, धनकुटा, तरहरा र विराटनगरका टिम गरी एक दर्जन विद्यालय टिमले सहभागिता जनाउने आयोजक धरान बास्केटवल संघले जनाएको छ । प्रतियोगिताका विजेता तथा उपविजेताले नगद पुरस्कार सहित ट्रफश्र, मेडल र प्रमाणपत्र प्राप्त गर्नेछन । साथै प्रतियोगिताका उत्कृष्ट खेलाडी र उदयीमान खेलाडीले समेत नगद पुरस्कार सहित ट्रफी र प्रमाणपत्र प्राप्त गर्नेछन । प्रतियोगिता धरान १२ स्थित धरान मेघा कलेजको बास्केटवल कोर्टमा हुनेछ ।