_1693980289.gif "#")
धरान । नेपाल सरकारले नेपाली जनताको उपचारमा सहज होस् भन्ने उद्देश्यले ल्याएको विमा कार्यक्रम विराटनगरको नोबेल मेडिकल कलेजले बन्द गरेको छ ।
नोबेलले बिमा सेवा दिएबापत ५५ करोड रुपैयाँभन्दा बढी भुक्तानी पाउन बाँकी रहेको दाबी साउन १ गतेबाट विमा कार्यक्रम स्थगित गरेको हो ।
अस्पतालका प्रबन्धक नारायण दाहालले स्वास्थ्य बिमा बोर्डलाई पटक पटक रकम भुक्तानीका लागि जानकारी गराउँदा समेत रकम निकासा नभएपछि विमा कार्यक्रम नै स्थगित गर्नुपरको बताए । उनले भने –‘अस्पतालले धानुन्जेल हामीले सञ्चालन ग¥यौ, रकम अभावका कारण औषधि खरिदमा समस्या देखा प¥यो अस्पताल थप आर्थिक भार थाम्न नसक्ने स्थितिमा पुगिसकेपछि हामीले विमा कार्यक्रम स्थगित गरेका हौ ।’
नोबेलमा दैनिक ओपिडीमा १ हजार ९ सय बिरामीले विमामार्फत सेवा लिने गरेको उनले बताए । उनले भने–‘उपचारमा आएका विरामीमध्ये दैनिक ६० प्रतिशत भन्दा बढी बिरामी स्वास्थ्य बिमा आउने गरेका छन् ।’
विमा बोर्डले समस्या भुक्तानी नदिएकै कारण बारम्बार यो समस्या आउने गरेको अस्पतालका जिम्मेवार व्यक्तिहरुले बताउने गरेका छन् । धरानस्थित बीपी कोइराला स्वास्थ्य विज्ञान प्रतिष्ठानले पनि विमा बोर्डले रकम भुक्तानी नगरको भन्दै दुई÷दुई पटक विमा कार्यक्रम स्थगित गर्ने सूचना जारी गरेको थियो । तर विमा बोर्ड र प्रतिष्ठानबीच भएको छलफलले केही समय विमा कार्यक्रम केही समयका लागि सञ्चालनमा आएको छ ।
सरकारले ०७२ चैत २५ देखि कैलालीबाट सुरु गरेको स्वास्थ्य बिमा कार्यक्रम ७७ वटै जिल्लामा लागू भइसकेको छ । प्रतिपरिवार ९५ जनासम्म ३ हजार ५ सय रकम तिरेको आधारमा वार्षिक एक लाखसम्मको स्वास्थ्य सुविधा र थप प्रतिसदस्य ७ सयका दरले रकम थपिएमा प्रतिसदस्य २० हजार बराबरको सेवा थपिने प्रावधान छ । अधिकतम सेवा सुविधाको सीमा २ लाख ९१० जनाको परिवार सदस्य सम्म रहेको छ । यो आर्थिक वर्ष स्वास्थ्य बिमाका लागि ७ अर्ब ५० करोड रुपैयाँ विनियोजन गरिएको छ ।
जेठ १५ मा तत्कालीन अर्थमन्त्री जनार्दन शर्माले स्वास्थ्य बिमा निजी कम्पनीमार्फत सञ्चालन गर्न आवश्यक तयारी थालिने बजेटमा उल्लेख गरेका थिए । पछिल्लो समय आफ्नो योगदानअनुसारको सुलभ र प्रभावकारी सेवा पाउन नसक्दा कार्यक्रममा आकर्षण खस्कँदै गएको देखिन्छ । प्रत्येक वर्ष बिमितको नवीकरण संख््या घट्दै गएको भने नयाँ बिमितको संख्या उल्लेखनीय मात्रामा बढ्न सकेको छैन ।
