सिर्जनशील जन्मोत्सव: बालबालिकासँग उपमेयर बेघाको जन्मदिन

धरान । धरान उप–महानगरपालिकाका उप–प्रमुख अइन्द्र विक्रम बेघाले अपांग तथा असहाय बालबालिकासँग आफ्नो जन्म दिन मनाएका छन् ।

 सोमबार उनलो आफनो जन्मदिन धरान छाताचोकमा रहेको अपांग तथा पुनःस्थापना केन्द्रमा रहेका २६ जना असक्त र बालबालिकाहरुसङ्गै खाना खाएर जन्म दिन मनाएका हुन् । बेघाले भने–‘जन्म दिनमा गरिने फजुल खर्चलाई कटौति गरेर बालबालिकासँग जन्म दिन मनाउँदा आनन्द लागेको छ ।’

रचनात्मक ढंगबाट उपमेयर बेघाले  जन्मदिन मनाएकोप्रति केन्द्रका प्रमुख भिम राईले जानकारी प्रशंसा गरे । राईले उप–प्रमुख बेघालाई जन्म दिनको शुभ–कामना समेत ब्यक्त गर्दै धरानको समग्र विकासमा अगाडि बढ्न शुभकामना समेत दिए ।

यसैगरी बेघाले धरान–३ मा रहेको सरस्वाती बाल आश्रममा रहेका  बालबालिकाहरुसँग समेत खाना खाएका थिए । जन्मदिनमा अनावश्यक खर्च गरेर मनाउनु भन्दा अनाथ बालबालिकाहरुसँग मनाउदाँ  छुट्टै आन्नद आएको उप–प्रमुख बेघाले बताए ।