धरान । एसईई स्पिकर सिजन २ को फाइनलमा १० जना प्रतियोगी प्रवेश गरेका छन् ।
दोस्रो चरणमा सहभागी १६ प्रतियोगी मध्ये उत्कृष्ट १० फाइनलमा प्रवेश गरेका हुने । ¥याडिकल लाइट नेपाल प्रालिद्वारा आयोजित प्रतियोगिताको मंगलबार सम्पन्न दोस्रो चरणको स्पर्धाबाट आदर्श मावि चतराकी प्रज्ञा न्यौपाने, हिमालयन स्कुल चतर ाकी एङ्लिसा थापा र रविना तामाङ, कोशी बोर्डिङ धरानका आवेग श्रे ष्ठ र एशिका कार्की फाइनल प्रवे श गरेका हुन् । त्यसैगरी जन सहयो ग मावि तरहराकी एल्जिना खाती, भरौल बालमन्दिरका दिमन गिरी, शिक्षा सन्देस बोर्डिङ पानमाराका र जनिश न्यौपाने, हिबिस्कस स्कुल धरानकी सिसम गुरुङ र बिष्णु मेमो रियल स्कुल धरानकी प्रतिष्ठा श्रेष्ठ फाइनलमा पुगेका छन् । प्रतियोगीले ‘लागू औषध दुव्र्यसन न्यूनीकरणमा विद्यार्थीको भुमिका’ र ‘सामाजिक सन्जालको दुरुपयोगले विद्यार्थीमा पारेको असर’ विषयमा वक्तृत्व प्रस्तुत गरेका थिए ।
एसईई दिएर बसेका विद्यार्थीलाई खाली समयको सदुपयो ग गर्दै व्यक्तित्व र नेतृत्व क्षमताको विकास गर्ने उद्देश्यले प्रतियोगिताको आयोजना गरिएको प्रालिका अध्यक्ष तीर्थ कार्कीले बताए । प्रतियोगितामा पहिलो, दोस्रो, तेस्रो र सान्त्वना हुनेलाई क्रमशः २० हजार, १५ हजार, १० हजार र ५ हजार रुपैयाँ नगदसहित प्लस टु अध्ययनका लागि शत प्रतिशत र ५०% छात्रवृत्ति प्रदान गरिने कार्कीले जानकारी दिए ।
प्रतियोगिताका निर्णायकहरुमा महेन्द्र बहुमुखी क्याम्पसका उप– प्राध्यापक एवम् कोशीपत्र दैनिकका सम्पादक राजेश विद्रोही र युएन कले जका अध्यापक विजय आछामी रहे का थिए । कार्यक्रममा धरान–१३ का वडाध्यक्ष नेत्र काफ्ले र १४ का वडाध्यक्ष कृष्ण भट्टराईको उपस्थिति रहे को थियो । फाइनल आगामी असार २७ गते सोमबार हुने आयोजकले जनाएको छ । कार्यक्रमको सञ्चालन कोरियो ग्राफर तथा मोडल मेरिना तुम्साले गरे की थिइन् ।