धरान । केही दिनदेखि अविरल परेको बर्षाका कारण धनजनको ठूलो क्षति भएपछि थप क्षति नपुगोस् भन्ने उद्देश्यले जिल्ला प्रशासन कार्यालयले प्रहरीलाई र्याफ्टिङ र डुंगा प्रदान गरेको छ ।
बर्षादको समयमा उद्धार गर्न सहज होस् भन्ने उद्देश्यले मोरङको रंगेली , सुनवर्सी, धनपालथान र रतुवामाई नगरपालिकालाई उद्धारका लागि ¥याफ्टिङ र डुंगा प्रदान गरेको हो ।
यसले बाढी प्रकोपबाट सर्वसाधारणहरु बढीका समयमा सुरक्षित अवतरण गर्न सहयोग पुग्ने रंगेली प्रहरीले जनाएको छ । सोमबार रातिदेखि आएको बर्षाद्ले खोलामा आएको बाढी कारण डुबान, कटान गरिरहेको अवस्थामा विपदको अवस्थामा दिएको उद्धार सामाग्रीले सहज हुने इलाका प्रहरी कार्यालय रंगेलीका प्रहरी निरीक्षक शैलेश न्यौपानले बताए । उनले भने–‘ बर्षादको समय शुरु मात्र भएको छ, यसले थप जोखिम बढ्न सक्ने देखिएको छ । क्षति न्यूनिकरण गर्नका लागि यसले ठूलो सहयोग पु¥याउछ ।’ उद्धारका लागि प्रदान गरिएको ¥याफटिङ र डुंगा चलाउने तरिकाका विषयमा सशस्त्र प्रहरी बल विओपीका प्रहरी निरिक्षक कमल बहादुर अधिकारीको टोलीले पोखरीमा अभ्यास गराएका छन् । सशस्त्र प्रहरी निरक्षिक अधिकारीले भने–‘अहिले हामीले यसलाई कसरी चलाउने, कसरी उद्वार गर्ने भन्ने कुरामा अभ्यास गराइरहेका छौं, अभ्यास सकेपछि तालिममा सहभागी सुरक्षाकर्मी फिल्डमा खटिन्छन् ।’
