_1693980289.gif "#")
धरान । एसइइ दिएर बसेका विद्यार्थीहरुलाई लक्षित गरी आयोजना भएको एसइइ स्पिकर सिजन २ को पहिलो चरणको अडिसन बुधबार सम्पन्न भएको छ ।
र्याडिकल लाइट नेपाल प्रा.लि.ले आयोजना गरेको दोस्रो चरणका कार्यक्रम धरान–१३ को वडा कार्यालय परिसरमा रहेको ज्येष्ठ नागरिक तथा बालबालिकाको हलमा भएको सम्पन्न भएको थियो ।
सुनसरी जिल्लाका विभिन्न बिद्यालयका ३० जना बिद्यार्थीहरु सहभागि थिए । पहिलो अडिसनबाट १५ जना बिद्यार्थीहरु दोश्रो चरणका लागि छनोट भएका छन । छनोट भएका बिद्यार्थीहरुलाई ब्यक्तित्व बिकास, नेतृत्व विकास, आत्मविाश्वास अभिवृद्धि, बोल्ने शैलीको अभिमुखिकरण दिदै आएको प्रा.लि.का अध्यक्ष तिर्थ कार्कीले जानकारी दिए ।
धरान उप–महानगरपालिका वडा नम्बर १३ का वडाध्यक्ष नेत्र काफ्लेले यस्ता प्रतियोगीताले विद्यार्थीहरुको आत्मविश्वास बढाउने बताए । काफ्लले एस.ई.ई.स्पिकरका पहिलो, दोश्रो, तेश्रो तथा सान्त्वना हुने विद्यार्थीलाई प्लस टु मा अध्ययन गर्दा वडाकै तर्फबाट निःशुल्क पोशाक उपलब्ध गराइदिने प्रतिवद्धता जनाए ।
प्रतियोगीताको निर्णायक भूमिकामा महेन्द्र बहुमुखी क्याम्पस धरानका उप–प्राध्यापक एवाम कोशी पत्र दैनिकका सम्पादक राजेश विद्रोही र यु.एन.कलेजका अध्यापक बिजय आछामि रहेका थिए । प्रतियोगितामा प्रथम हुने विद्यार्थीले नगद २० हजार रुपैया, प्लस टु अध्ययनका लागि धरानको यु.एन.नबोदय कलेजमा पूर्ण छात्रबृति मेडल र प्रमाण–पत्र, दोस्रो हुनेले १५ हजार रुपैया नगद, प्लस टु अध्ययनका लागि ५० प्रतिशत छात्रबृति, मेडल र प्रमाण– पत्र र तेस्रो हुनेले १० हजार रुपैया नगद, प्लस टु अध्ययनका लागि ५० प्रतिशत छात्रबृति, मेडल र प्रमाण–पत्र प्राप्त गर्ने छन् भने सान्त्वना हुने विद्यार्थीले ५ हजार रुपैया नगद, प्लस टु अध्ययनका लागि ३० प्रतिशत छात्रबृत्ति, मेडल र प्रमाण–पत्र प्राप्त गर्ने प्रा.लि.का अध्यक्ष तिर्थ कार्कीले जानकारी दिए ।
