_1693980289.gif "#")
धरान । लगातार आएको बर्षाका कारण प्रदेश नं. १ को सुनसरी, मोरङमा ठूलो क्षति पुगेको छ । कैयौ घर विस्थापित भएका छन, कैयौको उद्धार गरिएको छ ।
सुनसरीमा मात्र बर्षाको कारण ४६ घरका २ सय बढी विस्थापित भएका छन् ।
सुनसरीमा अविरल बर्षाका कारण बाढीका कारण ४६ घर डुबानमा परेका छन् भने २ सय ३९ जना विस्थाति भएका छन् । बाढीले थप क्षति नपु¥यायोस् भनेर हरिनगर ५ वसन्तपुरस्थित सशस्त्र प्रहरीको बिओपी समेत राखिएको सुनसरीका प्रमुख जिल्ला अधिकारी इन्द्रदेव यावले बताए । उनले भने–‘सुनसरीका स्थानीय तहहरुमा हालसम्म ४६ घर डुबानमा परेका छन्, विभिन्न स्थानका २ सय ३९ जना विस्थापित भएका छन्, थप जोखिम नहोस् भनेर हामीले सुरक्षा सशर्तकता अपनाएका छौं ।’
उनका अनुसार इटहरी वडा नं ५ मा बर्षाको कारण १ घरमा क्षति पुगेको, बर्जु गाउँपालिका ५ मा ट्यांग्रा खोलाको पानी ओभरफुल भएर बस्तीमा पस्दा १५ घर परिवार विस्थापित भएका छन् ा । उनलो भने–‘विस्थापित भएक ८ घरका ३२ जनालाई मुसहर भवन र ७ घरका २९ जनालाई रामजानकी प्राविमा स्थानान्तरण गरेका छौं ।’ उनले भोक्राहा नरसिंह गाउँपालिका वडा नं ५ मा ३० घरका परिवार पनि विस्थापित भएको जानकारी दिए विस्थापित मध्ये १६ घरका ९० जना त्रिपाल टागेर बसेको र १४ घरका ८० जना छरछिमेकको घरमा सहार लिएर बसेको जानकारी दिए ।
यसैगरी मोरङमा समेत अविरल आएको बाढीले १ हजार १ सय ७३ घर परिवार विस्थापित भएको जिल्ला प्रहरी कार्यालय मोरङले जनाएको छ । प्रहरीका अनुसार मगलबार बाढीले बगाएर गछिया खोलाले बगाएर मृत्यु जनाएको छ ।
यसैगरी बुधबार आएको बाढीका कारण विराटनगर महानगरपालिका –८ मा सिंघीया खोलाको पानी बस्तीमा पस्दा २५ घर डुबानमा परेको, १५ परिवार विस्थापित भएका छन् भने बेलबारी नगरपालिका–६ मा बाहुनी खैटे खहरे खोलाको पानी बस्तीमा पस्दा ८ घर डुबानमा पर्दा ३३ परिवार विस्थापित भएका छन् ।
प्रहरीका अनुसार कटहरी गाँउपालिका– १ मा टाइगर खोला र सिंघीया खोलाको पानी बस्तीमा पस्दा ४० घर डुबानमा परेको छ भने २ सय ५० परिवार विस्थापित भएको छ भने कटहरी १ कै हुनमान मन्दिर क्षेत्रमा सिंघीया खोलाको पानी पस्दा ४० घर डुबानमा परेको छ भने, १ सय ७० परिवार विस्थापित भएका छन् ।
बाढीले विराटनगर महानगरपालिका समेत अछुतो रहेन । महानगरपालिकाको – २ नम्बर वडामा २० घर डुबानमा परेको छन भने ७५ परिवार विस्थापित भएका छन् । यस्तै बाढीले झापाको विभिन्न ठाउमा समेत ठूलो क्षति पु¥याएको छ । जिल्लाको मावा खोला ,विरिङ खोला, रतुवा खोलामा आएको बाढीले सैयौ घरहरु बगाउँदा कैयौ विस्थापित भएका छन् । उता मेची राजमार्गमा रातिदेखि नै ठाउँ ठाउँमा पहिरो जाँदा इलाम, पाँचथर, ताप्लेजुङ चल्ने सवारी साधनहरु बीचैमा रोकिएका छन् । धेरै ठाउँमा राजमार्ग अवरुद्ध भएको छ । यता कोशी राजमार्गको धरान धनकुटा सडक खण्डमा समेत अधिकांश स्थानमा पहिरोले सडक अवरुद्ध बनाएको जनाइएको छ ।
