_1693980289.gif "#")
धरान । सिद्धि नेवाः परिषद् धरानले नि: शुल्क आँखा शिविरको आयोजना गरेको छ ।
मंगलवार परिषद्को भवनमा सम्पन्न शिविरमा १ सय १७ जनाले आँखा जाँच गरेका थिए । नेपाल नेत्र ज्योति संघ बिराटनगर आँखा अस्पताल रानीका चिकित्सक टोलिले आँखा जाँच गरेका थिए । शिवरमा शल्यक्रियाका लागि छनौट भएका विरामीहरुका लागि नि: शुल्क शल्यक्रिया गरिने व्यवस्था गरिएको परिषद्क अध्यक्ष गोकुल प्रसाद श्रेष्ठले बताए । विरामीका लागि सहुलियत दरमा चश्मा तथा औषधि समेत उपलब्ध गरिएको थियो । आँखा जाँच गरेका विरामीहरुकालागि आवश्यक परामर्श गरिनुका साथै थप उपचार गर्न नसक्ने भए संस्थाले आवश्यक सहयोग गर्ने समेत योजना रहेको शिविर संयोजक मोहन श्रेष्ठले बताए ।
शिविरमा निवर्तमान अध्यक्ष सरला कायस्थ , उपाध्यक्ष मदनमान अमात्य, कोषाध्यक्ष भरत मोहन पलिखे, सचिव तारा प्रधान, सदस्य तुलसी प्रसाद श्रेष्ठ, उमेश श्रेष्ठ, ज्ञानु श्रेष्ठ, मन मोहन पलिखे, हरिकृष्ण श्रेष्ठ, शलुजा मास्के, निश्चल मोहन पलिखे लगायतको सहभागिता रहेको थियो ।
