_1693980289.gif "#")
धरान । सोमबारदेखि आएएको अविरल बर्षाका कारण खोलामा बाढीले बगाउदा मोरङमा ठूलो धनजनको क्षति भएको छ । अविरल आएको बाढीले बगाएर सुन्दरहरैचा नगरपालिकाामा एक जनाको मृत्यु भएको छ । सुन्दरहरैँचा–६ सिसौघारीका ५५ वर्षीय रामबहादुर विकको गछिया खोलाले बगाएर मृत्यु भएको जिल्ला प्रहरी कार्यालय मोरङले जनाएको छ ।
यस्तै मोरङकै सिंघिया खोलामा आएको बाढीले १ सय ७५ परिवार विस्थापित भएका छन् । विराटनगर र कटहरी गरी १ सय ७५ परिवार विस्थापित भएको जिल्ला प्रहरी कार्यालय मोरङले जनाएको छ ।
प्रहरीका अनुसार विराटनगरमा ४५ र कटहरी गाउँपालिकामा १ सय ३० परिवार विस्थापित भएका छन् । विराटनगर–८ मा २५ र विराटनगर–२ मा २० परिवार विस्थापित भएका छन् । विस्थापित परिवारलाई सुरक्षित स्थानमा सारिएको मोरङ प्रहरी प्रवक्ता डिएसपी दिपक श्रेष्ठले जानकारी दिए ।
बाढीले कटहरी–१ को टाइगरटोलमा ६०, हनुमान मन्दिर एरियामा ४० र नारी विकास संघ एरियाका ३० परिवार विस्थापित भएका छन् ।
