_1693980289.gif "#")
धरान । उदयपुरका एक युवकलाई साथीको हत्या गरेको नौ महिनापछि प्रक्राउ गरिको छ ।
पक्राउ पर्नेमा उदयपुर त्रियुगाका गम्भीरबहादुर दनुवार रहेका छन् । १९ वर्षीय किशोर चित्रकुमार मग्रातीको हत्या गरेर उनी फरार रहेका थिए । सुनसरी जिल्ला अदालतले हत्या गरेको फैसला सुनाउदै दनुवारलाइ २० वर्ष कैद फैसला सुनाएको थियो । फैसला सुनाए पनि उनलाई पक्राउ गर्न सकिएको थिएन ।
उनलाई जिल्ला प्रहरी कार्यालय सुनसरीको टोलीले गत १० गते पक्राउ गरेको हो । दुई महिनाको प्रयासपछि सुनसरी प्रहरीले बानियाटार काठमाण्डौबाट पक्राउ गरिएको हो । जिल्ला प्रहरी कार्यालय सुनसरीका एसपी सञ्जयसिंह थापाले पक्राउ परेका दनुवारलार्ई कैद भुक्तानका लागि झुम्का कारगार चलान गरिएको बताए ।
नौ बर्ष अघि धरान २० मा वनभोज खाने क्रममा दुई पक्षबीच कुटाकुट नै भएको थियो । कुटपिटकै क्रममा गम्भीरबहादुर र विक्रम मिलेर चित्रकुमारमाथि कुटपिट गरेका थिए । २०७१ साल मङसिर १ गते भएको घट्नामा कुटपिटबाट चित्रकुमारको मृत्यु भएको थियो । मृत्यु भएको चिकुमारलाई जंगलमा लगेर स्याउला र झारपातले पुरी उनीहरु फरार भएको अनुसन्धानबाट पाइएको जिल्ला प्रहरी कार्यालय सुनसरीका एसपी थापाले जानकारी दिए ।
उनले भने–‘फरारमध्येका विक्रमलाई २०७१ मङसिर १४ गते नै भोजपुरको दिङ्लाबाट पक्राउ गरी अनुसन्धानपश्चात् सुनसरी जिल्ला अदालतमा पेश गरिएको र पुस ८ गते पुर्पक्षका लागि कारागार चलान गरिएको थियो ।'
