भलुवा गोल्डकपको उपाधी एभिनियर फुटबल क्लब क्यामरुनलाई

धरान । आठौँं भलुवा गोल्डकप फुटबल प्रतियोगिताको उपाधी एभिनियर फुटबल क्लब क्यामरुनले उपाधि उचालेको छ ।

सुनसरीको दुहबी वडा न. ७ स्थित रहेको भलुवामा भएको अन्तिम खेलमा रारा फुटबल क्लब राजारानी धनकुटालाइ १–० गोल अन्तरले पछि पार्दै क्यामरुनले उपाधि उचालेको हो । खेलको पहिलो पूर्वाद्र्धमा दुबै टिमबाट गोल हुन सकेन । अत्यन्तै प्रतिष्पर्धात्मक खेलमा उचरार्धको ७४ औं मिनेटमा क्यामरुनका खेलाडी सेम सेमले १ गोल गर्दै आफ्नो टिमको जित सुनिश्चित गराए ।

जितसँगै क्यारुनले नगद ३ लाख र उपविजेतामा चित्त बुझाएको रारा फुटबल क्लब राजारानीलाई १ लाख ५० नगद सहित ट्रफी र प्रमाणपत्र हात पारे प्रतियोगिताको विजेता तथा उपविजेतालाई दुहबी नगरपालिकाका मेयर बेदनारायण गच्छदार उपमेयर मेनुका पोखरेल खतिवडाले पुरस्कार वितरण गरेका थिए ।

फाइनल खेलको उत्कृष्ट खेलाडी रारा फुटबल क्लब राजारानी धनकुटाका बिकास खवास घोषित हुदै नगद७ हजार भए । उत्कृष्ट गोल रक्षक क्यामरुनका कावोसि, बेस्ट डिफेन्सबाट रारा फुटबल क्लब राजारानीका खेलाडी दिनेश राजवंशी, बेस्ट मिडफिल्डबाट क्यामरुनका खेलाडी स्टिफन, बेस्ट फरवार्डबाट क्यामरुनका खेलाडी सेम सेम घोषित भने हाइ स्कोरर एवाइसी गढीका खेलाडी म्याक्सवेल घोषित भए । उनीहरु सबैलाई जनही ६ हजार नगद, ट्रफी र प्रमाणपत्र प्रदान गरिएको थियो ।

यसैगरी प्रतियोगिताभरि उत्कृष्ट प्रदर्शन गर्ने खेलाडी क्यामरुनका बिले घोषित हुदै नग उनले नगद १० हजार सहित ट्रफी पाए ।