_1693980289.gif "#")
तस्वीर गुगल
धरान । धरानस्थित बीपी कोइराला स्वास्थ्य विज्ञान प्रतिष्ठानले आफ्नै ब्लड बैंक सञ्चालनमा ल्याइएको छ ।
असार २ गतेबाट पूर्ण रुपमा सञ्चालनमा ल्याएको ब्लड बैंकबाट वीपी कोइराला स्वास्थ्य विज्ञान प्रतिष्ठान धरानले आफ्नो ब्लड बैंक पुर्णरुपमा सञ्चालनमा आएको जनाएको छ ।
प्रतिष्ठानको प्याथोलोजी विभाग अन्तर्गत सञ्चालित ब्लड बैंक असार २ गतेदेखि पुर्णरुपमा सञ्चालनमा आएको हो । सञ्चालन भएको ब्लड बैंकबाट रक्त अल्पता भएका र डायलाइसिस गर्नुपर्ने विरामीहरुको लागि पिसिभी सेवा दिइने प्रतिष्ठानका सह प्रवक्ता डा. चुरामणि पोख्रेलले जानकारी दिए ।
उनले भने–‘प्रतिष्ठानले आफ्नै ब्लड बैक २ गतेबाट सञ्चालनमा ल्याएको छ, सञ्चालनमा आएको ब्लड बैंकले विरामीलाई उपचारमा सहयोग पु¥याउने हामीले अपेक्षा लिएका छौं ।’ उनका अनुसार ब्लड बैंकबाट डेंगु र अन्य कारणले प्लेटलेट कम भएका विरामीहरुको लागि पिआरपि सेवा, कलेजोका विरामी र अन्य कारणले कोगुलेसन फ्याक्टर डिफिसिएन्सी भएकालाई सहज हुनेमात्र हैन ओपन हर्ट सर्जरी, बर्न केसमा आवश्यक पर्ने एफएफपि सेवा पनि उपलब्ध हुनेछ ।
उनले यसका अलावा प्रतिष्ठानले सञ्चालन गरेको ब्लड बैकबाट विरामीलाई पिसिभी (प्याक्ड सेल भोलुम, पिआरपि ,प्लेटलेट रिच प्लाज्मा), एफएफपि (फ्रेस फ्रोजन प्लाज्मा) जस्ता सेवाहरु उपलब्ध हुने बताए । उनले भने–‘अब ब्लड बैंकबाट हुने सम्पूर्ण सेवाबाट विरामीले भौतिरिने अवस्था आउदैन, सबै प्रतिष्ठानको ब्लडबैंकबाट उपलब्ध हुन्छ ।’
