_1693980289.gif "#")
धरान । विराटनगरको नोवेल अस्पतालले गाउँमै पुगेर सर्वसाधारको उपचार गरेको छ ।
अस्पतालका सञ्चालक डा.सुनिल शर्माले गाउँमै ‘एम्बुलेन्स क्याम्प’ सञ्चालनज गरेका हुन् । सञ्चालन गरेको क्याम्पबाट विगत दुई साताको अवधिमा मोरङको क्षेत्र नं.३ का एक हजार पाँच सय बिरामीले गाउँमै निःशुल्क उपचार पाएका छन् । नोबेल अस्पतालमार्फत सञ्चालित क्याम्प मोरङको बेलबारी, सुन्दरहरैचा र पथरीशनिश्चरे नगरपालिका तथा कानेपोखरी गाउँपालिकामा ‘एम्बुलेन्स क्याम्प’ सञ्चालन भइरहेको छ । चिकित्सक सहितको टोली एम्बुलेन्समा जाने र गाउँका विरामीको खोजीखोजी उपचार गर्ने गरिएकाले एम्बुलेन्स क्याम्प नाम दिइएको हो । हरेक दिन दुई टोली डाक्टरहरु टोलटोलमा पुगेर त्यहाँ रहेका बिरामीहरुको उपचार गर्ने गरेका छन् । भिडियो एक्सरे, ल्याब टेष्ट र इसीजी गर्ने साधनसहित डाक्टरहरु गाउँगाउँमा जान्छन् र विरामीको उपचार गर्ने गर्छन् । उपचार बापत विरामीले कुनै शुल्क तिर्नु पर्दैन । डा.शर्माले नै निःशुल्क उपचारको व्यवस्था मिलाइदिएका हुन् ।
सो टोलीले गाउँगाउँमा पुगेर दुई साताको अवधिमा १ हजार ५ सय ६३ जना बिरामीको निःशुल्क उपचार गरेको नोबेल अस्पतालका प्रबन्धक नारायण दाहालले जानकारी दिए । उनका अनुसार एम्बुलेन्स शिविरमा स्वास्थ्य परीक्षणका क्रममा २ सय ९८ जनाको मुटुको जाँच (इसीजी), ३ सय २५ जनाको रगत परीक्षण र ३ सय ४३ जनाको भिडियो एक्सरे गरिएको छ । दाँतमा समस्या भएका ९७ जनाको दाँत खोलिएको छ । एम्बुलेन्स शिविरमा उपचार सम्भव नभएका ५ सय ३३ विरामीलाई नोबेल अस्पताल ल्याएर पनि उपचार गरिएको छ ।
अस्पताल आउनुपर्ने विरामीलाई नोबेलकै बसमा आउँने–जाने सुविधा छ । शिविरमा उपचार सम्भव नभएर नोबेल आएर उपचार गराउनेलाई ५० प्रतिशत छुटमा उपचार गर्ने गरिएको प्रवन्धक दाहालले बताए । ग्रामीण क्षेत्रका बिपन्न विरामीलाई स्वास्थ्य उपचार सेवा उपलब्ध गराउँने डा.शर्माको योजना अनरुप यसअघि पनि नोबेलले गाउँ–गाउँमा शिविर सञ्चालन गर्दै आएको थियो । अहिले अझै टोल–टोलमा चिकित्सक पठाएर निःशुल्क उपचार सेवा प्रदान गरिएको हो ।
_Poush 22_1736170149.jpg "#")