_1693980289.gif "#")
धरान । धरान १०, पुतली लाईनमा सञ्चालन भएको लाइफ केयर फिजियोथेरापी सेन्टरको शनिवार धरान उपमहानगरपालिका वडा नं. १०का वडाध्यक्ष विवेक राईले उद्घाटन गरे ।
उद्घाटनपश्चात बोल्दै वडाध्यक्ष राईले फिजियो थेरापी उपचारका लागि अत्यन्त लाभदायी हुने बताए । उनले भने–‘उपचारको पद्धतिमध्ये फिजियोथेरापी अत्यन्तै लाभदायक हुन्छ, यस थेरापी सेन्टरले धेरै भन्दा धेरै विरामी निको पारोस् मेरो शुभकामना ।’
फिजियोथेरापीको सञ्चालन धरानका युवा प्रवीर श्रेष्ठले गरेका हुन् । उनले धरान र धरान आसपासका सर्वसाधारणलाई लक्षित गरी लाइफ केयर फिजियोथेरापी सञ्चालन गरेको बताए । उनले भने– ‘धरान तथा धरान आपसपसमा रहेका सर्वसाधारणलाई लक्षित गरी फिजियो थेरापी सञ्चालन गरिएको हो ।’
उनका अनुसार करिब ५० लाखको लगानीमा यो थेरापी सेन्टर खोलिएको हो हो । सेन्टरमा विभिन्न प्रकारका फिजियोथेरापी, रगत जाँच, मसाजको व्यवस्था , एसी जडित सुविधा सम्पन्न तथा डिजिटल मेसिन जडान गरिएको र एक पटकमा १५ जना सेवाग्राहीहरुले सेवा लिन सक्नेछन् ।
सञ्चालक श्रेष्ठ साउथ कोरियाको रिआवी हस्पिटलमा ५ वर्षसम्म काम गरी अनुभव संगालेका व्यक्ति भएकोले यसको भविष्य राम्रो भएको वडाध्यक्ष राईले बताए ।
