फेलोसिप प्रदान नगरेकोमा चौतारीको ध्यानाकर्षण

धरान । आर्थिक बर्ष सकिन लाग्दा समेत महासंघले स्थानीय सरकारद्वार प्रदान गर्दै आएको फेलोसिपका विषयमा महासंघले चासो नदिएको भन्दै गम्भीर आपत्ति जनाएको छ ।

पत्रकारको लेखनवृत्तिका लागि प्रत्येक बर्ष धरान उपमहानगरपालिकाले दिँदै आएको बजेट फ्रिज हुने अवस्था आइसक्दा पनि महासंघले त्यसतर्फ महासंघको ध्यान जान नसकेको भन्दै नेकपा एमाले सम्बद्ध पत्रकार संगठन प्रेस चौतारी नेपाल धरान नगर कमिटीले महासंघलाई ज्ञापनपत्र बुझाएको छ ।

चौतरा धरान नगर कमिटीका अध्यक्ष रोशन दाहालको नेतृत्वमा गएको पत्रकारको टोलीले ज्ञापनपत्र बुझाएको हो । नेपाल पत्रकार महासंघ सुनसरीलाई बुझाइएको ज्ञापनपत्रको बोधार्थ धरान उपमहानगरपालिका, नेपाल पत्रकार महासंघ, प्रदेश कमिटी तथा महासंघको केन्द्रीय कार्यालयलाई बोधार्थ बुझाएको छ ।

ज्ञापनपत्रमा भनिएको छ, पत्रकारको लेखनवृत्तिका लागि प्रदान गरिदै आएको फेलोसिप र पुरस्को बजेट आर्थिक बर्ष सकिन लाग्दा पनि महासंघ सुनसरीबाट कुनै पहल नहुदा बजेट फ्रिज हुन लागेकोप्रति हाम्रो गम्भीर ध्यानाकर्षण भएको छ । श्रमजीवि पत्रकारहरुलाई आर्थिक सवलता, क्षमता विकास तथा स्थानीय सरकारको प्रोत्साहनको रुपमा पैदान गर्ने फेलोसिप कायषर््क्रमलाई समयमै सञ्चालन गर्न नसक्नु नेपाल पत्रकार महासंघको उद्देश्यप्रति नै प्रश्न चिन्ह खडा भएको छ ।

चौतारी धरान नगर कमिटीका अध्यक्ष रोशन दाहालले पत्रकारले अवसरको रुपमा प्राप्त गर्दै आएको फेलोसिपमा महासंघ उदासीन हुनु श्रमजीवि पत्रकारका लागि राम्रो कुरा नभएको बताए । उनले उपमहानगरपालिकाले प्रदान गर्दै आएको पुरस्कार तथा फेलोसिपको रकम विनियोजन गर्नुपर्ने बताए । नेपाल पत्रकार महासंघ सुनसरीकै कार्यालयमा पुगेर बुझाइएको ज्ञापनपत्रमा चौतारीका केन्द्रीय सदस्य सन्तोष काफ्लेको समेत सहभागिता रहेको थियो ।