एस.ई.ई.आईडलको दोश्रो अडिसनबाट ३९ जना सेमि फाईनलमा प्रबेस

धरान । प्रदेश नम्बर १ ब्यापी वाई वाई एस.ई.ई. स्टेट–१ सिङ्गिङ आईडल सिजन–२ र डान्सिङ स्टार सिजन–१ को दोश्रो चरणको अडिसन सम्पन्न भएको छ । शनिबार धरान–१६ स्थित यु.एन.कलेजको सेमिनार हलमा सम्पन्न भएको दोस्रो अडिसनमा सिंगिङमा १५ र डान्सिङमा १४ गरी ३९ जना प्रतियोगी छानिएका छन् ।

फक्ताङ्लुङ मिडिया हाउस प्रा.लि.द्वारा सञ्चालित एफ.टि.एल.अनलाइन टिभिले आयोजना गरेको दोश्रो चरणको अडिसनमा प्रदेस नम्बर एकबाट सिङ्गिङतर्फ ४१ जना र डान्सिङतर्फ २० गरि ६१ ज्नाले सहभागिता जन भएका थिए । सिङ्गिङमा प्रतियोगीताका निर्णायकमा गायनतर्फ भोइस अफ नेपाल सिजन–२ का फाईनलिस्ट बिकास लिम्बु र संगीतकार बिनायक राई रहेका थिए । यसैगरी नृत्यतर्फ छमछमी सिजन–३ कि फस्ट रनर अप मनिता राई र राष्ट्रिय डान्स कोरियोग्राफर पृतम साम्बाहाम्फे रहेका थिए ।

आयोजकका अनुसार गायन र नृत्य दुबैतर्फका बिजेताले ५० हजार रुपैया नगद र प्लस टु अध्ययनका लागि पुर्ण छात्रबृति, दोश्रो हुनेले ३० हजार रुपैया नगद, प्लस टु पढ्न ५० प्रतिशत छात्रबृति र तेश्रो हुनेले १५ हजार रुपैया नगद र प्लस टु पढ्न ५० प्रतिशत छात्रबृत्ति प्राप्त गर्नेछन् र्। प्रा.लि.का अध्यक्ष डम्बर कुमार तुम्बापाका अनुसार प्रतियोगीताको सेमि फाइनल आगामी ज्येष्ठ २८ गते सनिबार युएन.सेमिनार हलमा हुनेछ ।