_1693980289.gif "#")
धरान । सुनसरीका दुई उपमहानगरपालिकाले यसपटक फरक परिणाम ल्याउदै इतिहास रचेका छन् । धरान उपमहानगरपालिकामा एमाले र गठबन्धनका दललाई पछि पार्दै स्वतन्त्र उमेद्वार हर्क साम्पाङ विजय हुदै इतिहास रचेको छ भने इटहर उपमहानगरपालिकामा भने पहिलो पटक एमालेको विरासतलाई तोडदै नेपाली काँग्रेसका तर्फबाट हेमकर्ण पौड्याल विजयी भएका छन्
गठबन्धनको तर्फबाट उम्मेदवारी दिएका हेमकर्ण पौडेलले एमालेका यामकुमार चोङवाङ सुब्बालाई हराएर काँग्रेसले इतिहास बनाएको हो ।
आइतबार बिहान सम्पन्न मतगणना अनुसार पौडेलले निकटतम प्रतिस्पर्धी नेकपा एमालेका याम कुमार सुब्बालाई ५ हजार १८ मतान्तरले पराजित गरेका छन् । पौडेलले ३३ हजार ४९ मत पाउँदा सुब्बाले २८ हजार ३१ मत मात्र ल्याएका थिए ।
मेयर पद गुमाए पनि एमालेले उपमेयरमा भने बाजी मारेको छ । एमालेकी उम्मेदवार सगीता चौधरीले ३२ हजार ४ सय ३६ मत ल्याएर विजयी भएकी छिन् । उनले नेकपा एकीकृत समाजवादीका केशव कुमार विष्टलाई १४ हजार ४ सय ५ मतको फराकिलो अन्तरले पराजित गरिन् । गठबन्धनको उम्मेदवार रहेका विष्टले १८ हजार ३१ मत पाए ।
२० वडा रहेको इटहरीमा मेयर पद हात पारे पनि नेपाली काँग्रेसले बहुमत वडाहरू गुमाएको छ । २०७४ सालको स्थानीय तहको निर्वाचनमा १२ वटा वडा जितेको काँग्रेस यस पटक ४ वटामा खुम्चिएको छ। एमालेले १५ वटा वडा जितेको छ । एउटा वडामा स्वतन्त्र उम्मेदवार विजयी भएका छन् । इटहरीमा ७३ हजार ८ सय ३२ मत खसेको खसेको थियो ।
