_1693980289.gif "#")
धरान । नागरिकको स्वास्थ्य समस्याबारे रोटर्याक्ट क्लब अफ धरान घोपाले गत शनिबार बृहत् स्वास्थ्य शिविर सम्पन्न गरेको छ ।
सुनसरीको इटहरीमा रहेको रिलायन्स मिलमा संचालन भएको शिविरबाट ४ सय ५० भन्दा बढि लाभान्वित भएका छन् । मिल क्षेत्रका स्थानीय, मिलका कामदारहरु तथा उनीहरुका परिवारले लाभ लिएका छन् । शिविरमा विशिष्ट चिकित्सकहरुले स्वास्थ्य चेकजाँच, निः शुल्क औषधी वितरण, स्वास्थ्य शिक्षा तथा जनचेतना सहित मधुमेह र उच्च रक्तचापको जाँच गरेका थिए ।
सामान्य चिकित्सा, हाड जोर्डी, नाक कान घाँटी, दन्त रोग, छाला रोग तथा महिला रोगको प्रत्यक्ष चेकजाँच तथा रोग अनुसारको सुझाव दिइएको थियो । यसैगरि सहभागीहरुलाई छाला रोग, मुख स्वास्थ्यबारेमा सचेतना प्रदान गर्नुको साथै रक्तस्राव, फ्र्याक्चर जस्ता विषयमा प्राथमिक उपचार तालिम समेत प्रदान गरिएको थियो । जाँच गरिएको रोगमा आवश्यक पर्ने औषधीहरु समेत बिरामीहरुलाई निःशुल्क प्रदान गरिएको थियो ।
रोटर्याक्ट क्लब अफ धरान घोपाले वि. पि कोईराला स्वास्थ्य विज्ञान प्रतिष्ठानका चिकित्सकहरु डा. सूचना मर्हट्टा तथा रियायन्स मिलका पदाधिकारीहरुको सहयोगमा बृहत स्वास्थ्य शिविरको आयोजना गरिएको हो ।
