_1693980289.gif "#")
धरान । धरान स्थित निर्वाचन अधिकृतको कार्यलयमा दलका नेतालाई खटाएको भन्दैं जिल्ला निर्वाचन कार्यालयमा उजुरी परेको छ ।
क्षेत्रीय कारागार झुम्का कारागारमा कार्यरत मणीराज पोखरेललाई निर्वाचन कार्यालयमा खटाइएको छ । उनी नेकपा समाजबादी पार्टीका जिल्ला सचिवालय सदस्य भएको बताइएको छ । कर्मचारीहरु कुनै दलमा आवद्ध हुन नहुने कानुन भए पनि उनी दलसँग आवद्ध भएको पाइएको छ । दलका जिम्मेवार व्यक्तिलाई निर्वाचनमा खटाउदा निष्पक्षता माथि प्रश्न उठ्छ ।
दलका जिम्मेवार व्यक्ति चुवानमा खटाइएको विषयमा जिल्ला निर्वाचन कार्यालय सुनसरीमा नेकपा एमाले जिल्ला कमिटी सुनसरीले गत १५ गते उजुरी दिइएको थियो । तर उजुरीको विषयमा आयोग तथा जिल्ला प्रशासन कार्यालयले कुनै सुनुवाइ नभएको एमालेले जनाएको छ । यता प्रमुख जिल्ला अधिकारी इन्द्रदेव यादवले उनी पार्टीमा भएको भन्ने उजुरी आएको बताए । ट्रेड युनियनमा भएका कर्मचारीहरुलाई भने हामीले व्यवस्थापन गरेका छौं । कुनै पनि कर्मचारी दलसँग आवद्ध हुन नपाईने कानुनमा छ । बराहक्षेत्रमा खटिएका एक कर्मचारी ट्रेड युनियनमा भएको पाइए पछि फिर्ता बोलाइएको उनले बताए । निर्वाचन कार्यालय धरानका निर्वाचन अधिकृत पुष्करराज नेपालले यस विषयमा उनी दलसँग आवद्ध नभएको पाइएको बताए । उजुरी आए पछि उनलाई निगरानीमा राखेर काममा खटाइएको बताइएको छ ।
