_1693980289.gif "#")
धरान । नेकपा एमाले धरानका उम्मेदवारहरु सँग स्थानीय जनताले खानेपानी समस्या समाधान र खहरे करिडोर नियन्त्रण गरिदिन माग गरेका छन् ।
एमालेका मेयर र उपमेयर सहित वडाका उम्मेदवारको घरदैलोको क्रममा वडा नम्बर ९ र १० का स्थानीयले खानेपानी समस्या समाधान र खहरे नियन्त्रण गरिदिन माग गरेका हुन् । गत बुधबारदेखि सुरु भएको घरदैलो अभियानका क्रममा विहीबार घरदैलोका क्रममा मतदाताहरुले खादा अबिर सहित खानेपानी समस्याका विषयमा जिज्ञासा राखेका थिए ।
स्थानीय सँग भोट माग्दै एमालेकी मेयरका प्रत्यासी मञ्जु भण्डारीले खानेपानी र खहरे करिडोर नियन्त्रण दिर्घकालिन रुपमा गर्न थप पहल भइरहेको बताइन् । वडाध्यक्षका प्रत्यासी विवेक राईले समेत आफु विजयी भएपछि वडाको खानेपानी समस्या र खहरे करिडोरको समस्या हल गर्ने प्रतिबद्धता जनाए । कोरोना महामारीका बेला वडाध्यक्षका प्रत्यासी राईले गरेको सहयोगको स्मरण गदै मतदाताहरुले वडा अध्यक्षमा कुनै पनि हालतमा जिताएर छाड्ने प्रतिबद्धता जनाएका थिए । साथै, वडाबासीहरुले विगतमा वडाले गरेको कामका विषयमा समेत प्रशंसा गरेर जितका लागि अग्रिम बधाई समेत ज्ञापन गरेका थिए ।
घरदैलो अभियानको क्रममा मेयरका प्रत्यासी भण्डारी र उपमेयरका प्रत्यासी इस्वोले घर निर्माण गरिरहेका मजदुरहरुसँग समेत भेट गरेर समस्याका विषयमा बुझेका थिए । घरदैलो कार्यक्रममा मेयरका प्रत्यासी मञ्जु भण्डारी(सुवेदी) र उपमेयरका प्रत्यासी पदम इस्वो सहित चुनाबी प्रचार अभियानलाई तिब्रता दिएको हो । वडा पार्टी कार्यलयबाट सुरु भएको घरदैलो कार्यक्रम बुढासुब्बा मार्ग, बर्गैचा लाइन हुदै देउराली चोक, धनकुटे रोड हुदै पुःन पार्टी कार्यलयमा पुगेर टुङिगएको थियो ।
