_1693980289.gif "#")
धरान । हास्य विधामा बनेको चलचित्र ‘लक्का जवान’ बैशाख २३ गते देखि देशैभरि लाग्ने भएको छ ।
चलचित्रका निर्माता तथा हास्यकलाकार शिवहरि पोडेलले चलचित्र गाउँ घरमा भएको कथा बस्तुलाई प्रस्तुत गरिएको बताए । शुक्रबार धरानमा पत्रकार सम्मेलन गर्दै चलचित्रमा ४० प्रतिसत कलाकारहरु हास्य कलाकारहरु रहेको उनले बताए । चलचित्रको कुल लागत रिलिज हुने दिन सम्म २ करोड ४० लाख पुगेको उनले बताए ।
चलचित्र निर्माणमा धेरै मेहेनत गरिएकाले हास्य विधामा उत्कृष्ट चलचित्र बनेको उनले बताए । उनले भने, फिल्मको गितहरुमा पनि धेरै मेहनत गरेका छौं, एउटा गितमा १ सय २५ देखि ८० जना कोरस कलाकार समेत रहेका छन् ।’ चलचित्रमा ३ वटा मात्रै गित रहेको छ । उनले भने, धेरै मेहेनत गरेर बनाएको छौं,र चटपटेमा चना, मटर, कागती खुर्सानी मिसाएर बनाउदा जति टेस्टी हुन्छ, त्यस्तै फिल्ममा पनि धेरै थरिका परिवेश र कथाहरु मिसाएर बनाएका छौं ।’ दर्शकहरुले चलचित्र रुचाई दिनु हुन्छ भन्ने आशा गरिएको उनको भनाई छ ।
चलचित्रमा अग्रज हास्य कलाकार मदन कृष्ण श्रेष्ठ, सरोज खनाल, सुशील पोखरेल दिलिप राईमाझी, प्रियंका कार्की, वर्षा सिवाकोटी र सलोन बस्नेत लगाएत अन्य हास्य कलाकार टिमका अधिकांस अभिनेताहरुको भुमिका रहेको बताए ।
लक्का जवान चलचित्रले अर्गानिक टेस्ट प्रस्तुत गरेको अर्का निर्माता किरण केशीले बताए । चलचित्र प्रचारप्रसारका लागि पुर्वाञ्चल भरि शुक्रबार देखि लागि परेको उनको भनाई छ । चलचित्रले हलमा पुगेका दर्शकलाई मनोरञ्जन गराउने र समाजमा भएको छोरा र छोरी बिचको फरक समेत देखाउन खोजेको उनले बताए ।
