_1693980289.gif "#")
धरान । धरानमा जारी मेयर कप वडा स्तरीय बास्केटबल प्रतियोगिताको दोश्रो दिन २ वटा खेल सम्पन्न भएको छ ।
बुधबार भएको पहिलो खेलमा वडा नं १८ ले वडा नं ११ लाई ४६ का विरुद्ध ५२ अंक जोड्दै जित हासिल गरेको छ । वडा नं ११ ले प्रत्येक क्वाटर ८–२३–९–६ अंक जोड्दा वडा नं १८ ले १९–७–१२–१४ अंक जोडेको थियो । वडा १८ ले यो जित सँगै सेमिफाइनलमा प्रवेश गरेको छ । १८ ले विकेन चौधरीले व्यक्तिगत २१ अंक जोड्दै म्यान अफ द म्याच भए । उनले नगद एक हजार रुपैया सहित मेडल प्राप्त गरे ।
बुधबार नै भएको दोश्रो खेलमा वडा नं १७ ले २९–२२–१४–१७ गरि ८२ अंक जोड्दा वडा नं ५ ले ६–७–८–८ गरि २९ अंक मात्र जोड्न सफल भएको थियो । वडा नं १७ विजयी हुँदै सेमिफाईनल खेलमा वडा नं १८ सँग प्रतिस्पर्धा गर्नेछ । खेलका व्यक्तिगत सर्वाधिक ३० स्कोर धरान १७ का सुजन राईले गरे भने खेलका म्यान अफ द म्याच वडा नं १७ का सबिन राई बने । उनलाई जिल्ला बास्केटबल संघ सुनसरीका अध्यक्ष नारायण सुवेदीले नगद एक हजार सहित मेडल प्रदान गरे । विहिबार हुने खेल वडा नं ८ का विरुद्ध वडा नं १४ र वडा नं १५ का विरुद्ध वडा नं १९ बिच हुने भएको छ ।
