दुई सय हप्ता पुगेको अवसरमा पदयात्रा

धरान । स्वास्थ्य नै धन हो भन्ने मूल मन्त्र बाकेर गठन भएको सेवक अभियान २ सय हप्र्ता पूरा गरेको छ । पदयात्राका माध्यमबाट धरानका सर्वसाधारणाई स्वँथ्य जीवन प्रदान गर्नुका साथै धरानका रमणीय पर्यटकीय स्थलको अवालोकन गराउदै आएको सेवक अभियानले आफ्नो २ सय हप्ता पुगेको अवसरमा धरानको पर्यटकीय क्षेत्रको अवलोकन भ्रमण गराएको छ ।

प्रदेश नं. १ का सभामुख प्रदीपकुमार भण्डारीले पदयात्राको उद्घाटन गरेका थिए । उद्घाटन पश्चात बोल्दै भण्डारीले सेवक अभियानले गरेको कामप्रति खुलेरै प्रशंसा गरे । उनले भने– ‘सेवक अभियानले पदयात्राका माध्यमबाट मानिसको जीवन स्वास्थ्य राख्न र धरानका पर्यटकीय स्थलको अवलोकन समेत गराउनै आएको छ, स्वास्थ्यसंगै गरिब दुःखी, असहाय, गरिब विद्यार्थीलाई गरेको सहयोग अझ अतुलनीय रहेको छ । यसलाई मुक्त कण्ठले प्रशंसा गर्नुपर्छ ।’

‘पदयात्राका माध्यमबाट स्वास्थ्य’ भन्न मूल नारा बोकेको सेवक अभियानको अभियानलाई सभामुख मात्र हैन धरान उपमहानगरपालिकाका प्रमुख तिलक राई र उप्रमुख मञ्जु भण्डारी सुवेदीले पनि प्रशंसा गरेका थिए ।

सेवक अभियानका अध्यक्ष राजीव हलुवाइले सेवक अभियानले स्वथ्य जीवनसंगै गरिब तथा सहायहरुलाई सहयोग गरेको बताएका थिए ।

पदयात्रा धरानको सिंहदेवीदेखि विजयपुर तथा अन्य पर्यटकीय स्थलको भ्रमण गर्दै पुन सिंहदेवी चौकमा आएर सम्पन्न भएको थियो ।