_1693980289.gif "#")
धरान/ खेलाडीको प्रोत्साहनका लागि धरान १४ का खेलाडीहरुलाई ज्योति विकास बैंक धरान शाखाले नगद ६५ हजार सहयोग गरेको छ ।
खेलाडीहरुको वृत्ति विकासका सहयोग पुगोस् भन्ने उद्देश्यले विकास बैंकका शाखा अधिकृत प्रकाश साहले वडाध्यक्ष कृष्णप्रसाद भट्टराईलाई नगद हस्तान्तर गरेका हुन् ।
स्थानीय सरकार खेलकुदको विकासमा लागिरहेको बेला अन्य क्षेत्रबाट पनि सहयोग उपलब्ध हुदा खेलाडीको खेल स्तर बढाउन सहयोग पुग्ने वडाध्यक्ष भट्टराईले बताए । उनले भने–‘स्थानीय सरकारले स्थानीय स्तरबाट खेलाडी उत्पादन गर्न लागिरहेको अवस्थामा अन्य क्षेत्रबाट पनि खेलकुदको विकासका लागि सहयोग गर्दा सहज हुन्छ, आगामी दिनमा पनि सहयोग हुन्छ भन्ने विश्वास लिएको छु ।’
रकम हस्तान्तरपछि ज्योति विकास बैंकका शाखा अधिकृत साहले १४ नं.का युवा खेलाडीहरुको भविष्य देखेर नै सहयोग गरेको बताए । उनले भने–‘गत बर्ष र अहिले यहाको खेल खेरे अत्यन्तै उत्कृष्ट लाग्यो, हामीले गरेको सहयोगले केही हुन्छ भन्ने अभिप्रायले सहयोग गरिएको हो ।’
धरान १४ गोधुली क्लबले आयोजना गरेको गोधुली फुटबल प्रतियोगिताको गत बर्षको विजेता टिम हो भने यस बर्ष भने सेमी फाइनलमै बाहिरएको थियो ।
