_1693980289.gif "#")
धरान । स्वास्थ्यको क्षेत्रमा महत्वपूर्ण योगदान पुर्याउँदै आएको विराटनगरको न्यूरोे क्रिकेट महिला खेलाडीहरूलाई पोषाक वितरण गरेको छ ।
अन्तर्राष्ट्रिय नारी दिवसको अवसर पारेर न्यूरोले शुक्रबार अस्पताल परिसरमा एक कार्यक्रम आयोजना खेलाडीहरुलाई पोशााक वितरण गरेको हो ।
जिल्ला क्रिकेट संघ मोरङको समन्वयमा न्यूरोले १४ महिला क्रिकेट खेलाडी, टिम कोच र म्यानेजरलाई पोशाक वितरण गरेको हो ।
हस्पिटलकातर्फबाट मेडिकल डाइरेक्टर तथा वरिष्ठ न्यूरो सर्जन डा. यामबहादुर रोकाले उनीहरुलाई पोशाक वितरण गरेका थिए । खेलप्रगित अभिरुची बढाउनुको साथै अन्तर्राष्ट्रिय महिला दिवसको अवसर पारेर महिला खेलाडीहरूलाई पोषाक वितरण गरिएकोे जनाएको छ ।
कार्यक्रममा जिल्ला क्रिकेट संघ मोरङको अध्यक्ष नविन घिमिरे, सदस्य रोशन बुढाथोकी, कप्तान अन्सु जैसवाल, टिम कोच राजेश पोखरेल, म्यानेजर अम्बिका बुढाथोकीको सहभागिता रहेको थियो ।
हस्पिटलले अन्तर्राष्ट्रिय नारी दिवसको अवसर पारेर अस्पतालको सेवामा छुट दिने भएको छ ।
अस्पतालले महिलालाई लक्षित गरी निःशुल्क परामर्श सेवा समेत दिने भएको छ । अस्पतालका अनुसार अस्पताले स्त्री तथा प्रसूतीरोग परामर्श सेवा फागुन १७ देखि चैत १७ सम्म राखेको जनाएका छ । अस्पतालमा स्त्री रोग तथा प्रसूती रोग विशेषज्ञ प्रोफेसर डा. शैलजा क्षेत्री (श्रेष्ठ)ले सेवा दिदै आएकी छिन् । अस्पतालले महिना दिनसम्म सम्बन्धित सम्पूर्ण जाँचमा २५ प्रतिशत छुट र महिलालाई सबै सेवामा १० प्रतिशत छुट दिएको अस्पतालले जनाएको छ ।
अस्पतालले फागुन २४ गते भब्य कार्यक्रम आयोजना गरि नारी दिवस मनाउने तयारी गरेको छ । यसअघि पनि अन्तर्राष्ट्रिय नारी दिवसमा विभिन्न सामाजिक कार्यहरु गरेर यो दिवस मनाउने गरेको थियो ।
