_1693980289.gif "#")
धरान/ लागूऔषध ब्राउन सुगरसहित प्रहरीले झापाको मेचीनगर नगरपालिका–१० बाट दुईजनालाई पक्राउ गरेको छ ।
मेचीनगर–१० का ३२ वर्षीय विक्रम प्रसाईं र मेचीनगर–९ का ४४ वर्षीय सञ्जय खड्कालाई आइतबार बेलुका पक्राउ गरिएको प्रहरीले जनाएको छ । धुलाबारीको इलाका प्रहरी कार्यालयबाट खटिएको टोलीले आइतबार बेलुका साढे ४ बजे प्रसाईंको घरमा भान्सा कोठाभित्र बसिरहेको अवस्थामा उनीहरूलाई ब्राउन सुगर ५ ग्राम, डिजिटल तराजु १ थान र नगद १९ हजार ५ सय रुपैयाँसहित प्रहरीले नियन्त्रणमा लिएको हो । उनीहरूलाई धुलाबारी इलाका प्रहरी कार्यालयमा राखी थप अनुसन्धान गरिरहेको प्रहरीले जनाएको छ ।
