धरान/ एक सय २१ औँ धरान स्थापना दिवसको अवसरमा बुधबार धरानमा सरसफाइ अभियान सञ्चालन गरिएको छ ।
वडा समितिहरूको समन्वयमा धरानका २० वटै वडामा सरसफाइ अभियान सञ्चालन गरिएको हो । यसै क्रममा धरान–१५ मा पनि अभियान सञ्चालन गरिएको थियो । उनीहरू फोहोर टिप्दै झोलामा हालिरहेका थिए । आफ्नो ठाउँ आफैँ सफा गर्नुपर्छ भन्ने जनचेतना पैmल्याउन कार्यक्रम सञ्चालन गरिएको वडाध्यक्ष नरेश इवारम लिम्बूले बताए । ‘धरान स्थापना दिवसको अवसरमा कार्यक्रम गरेका हौँ ।’ उनले भने ।
वडाध्यक्ष लिम्बूको नेतृत्वमा भएको कार्यक्रममा विभिन्न टोल विकास संस्थाका पदाधिकारी र सदस्यहरू सहभागी भएको तुलसी, भीष्म, चण्डेश्वरी, पूर्वी एभरेस्ट टोल विकास संस्थाका अध्यक्ष सुवास खवासले जनाए । उनीहरूले सडकका साथै चोक र गल्लीमा फालिएका फोहोर सङ्कलन गरेका थिए । पन्जा र मास्क लगाएका वडावासीले हातमा झोला र झाडू बोकेका थिए ।
वातावरण संरक्षण गर्न आप्mनो घर वरिपरि सरसफाइ गर्नुपर्छ भन्ने जनचेतना पैmल्याउन आफूहरू अभियानमा सहभागी भएको संस्थाका अध्यक्ष एवम् माओवादी केन्द्रका धरान–१५ वडा अध्यक्ष खवासले जनाए । धरान–१५ मा ३३ वटा टोल विकास संस्थाहरू छन् । अभियानमा यिनै टोल विकास संस्थाहरूलाई परिचालन गरिएको थियो ।
हरेक वर्ष पुस २० गते धरान स्थापना दिवसका रूपमा मनाउने गरिएको छ । यसै क्रममा अहिले धरानमा तीनदिने धरान उत्सव सञ्चालन भइरहेको छ । प्रधानमन्त्री शेरबहादुर देउवाले मङ्गलबार उत्सवको उद्घाटन गरेका थिए ।