_1693980289.gif "#")
सुनसरी/ ग्यालरी इभेन्टले अंग्रेजी नयाँ वर्षको अवसर पारेर इटहरीमा रिफ्रेस नाइट कन्सर्ट आयोजना गर्ने भएको छ । आगामी पुस १७ गते इटहरी रङ्गशालामा रिफ्रेस नाइट आयोजना गर्न लागेको आयोजकले पत्रकार सम्मेलन गरेर जानकारी गराएको हो ।
कार्यक्रम संयोजक विजय गिरीका अनुसार राष्ट्रिय कलाकारहरू प्रमोद खरेल, अल्मोडा राना उप्रेती, प्रकाश सपूत लगायतका कलाकारहरूले प्रस्तुति रहने भएको छ । संयोजक गिरीले कार्यक्रमबाट बचेको रकम इटहरीमा मानसिक रोगीहरूलाई समेत संरक्षण गर्दै आएको माया घर नेपाललाई सहयोग गर्ने जानकारी दिएका छन् ।
कार्यक्रममा प्रदेश नम्बर १ मै चर्चित बिहानी डान्स सेन्टर इटहरीको प्रस्तुति समेत रहने छ । सांस्कृतिक कार्यक्रमका लागि प्रवेश शुल्क २ सय ५० रुपैयाँ राखिएको छ । कार्यक्रमका लागि ८ लाख खर्च लाग्ने आयोजकले अनुमान गरेको छ । ३५ सय दर्शकहरुले नाइटको मजा लिने आयोजकले दाबी गरेको छ ।
कोरोनाको जोखिमलाई साबधानी अपनाउदै कन्र्सटमा आउने दर्शकहरुले अनिवार्य मास्क प्रयोगलाई पहिलो प्राथमिक्तामा राखेको जनाइएको छ । पत्रकार सम्मेलनमा सामाजिक सञ्जाल टिकटक मार्फत समेत प्रचार प्रसार गर्न पूर्वका लोकप्रिय टिकटकर बिनोद बस्नेत, निलसन जोडी, सुजा रायमाझी, मनिका बोहोराहरुको समेत उपस्थिति रहेको थियो ।
