युवा व्यवसायी मेन्याङ्बोले बालबालिकासँग मनाए जन्मदिन

धरान/  युवा व्यवसायी तथा थिएटर सहाराका अध्यक्ष नवीन मेन्याङ्बोले आप्mनो जन्मदिन शनिबार धरान–१३ को इम्मानुयल चिल्ड्रेन होमका बालबालिकासँग मनाएका छन् ।
उनले त्यहाँ आश्रय लिएर बसेका बालबालिकालाई चिल्ड्रेन होममै पुगेर स्वेटर वितरण गर्दै उनीहरूलाई खाना पनि खुवाएका थिए । त्यस क्रममा मेन्याङ्बोलाई शुभकामना दिन चलचित्रकर्मी महासङ्घ प्रदेश १ ले चिल्ड्रेन हाममै औपचारिक कार्यक्रम पनि आयोजना गरेका थियो ।

महासङ्घका प्रदेश १ अध्यक्ष अरुण प्रधानको अध्यक्षतामा आयोजित कार्यक्रम महासचिव दिनेश कोइरालाले सञ्चालन गरेका थिए ।

कार्यक्रममा सुनसरीभरिका चलचित्रकर्मीहरू र नाट्यकर्मीहरूका साथै मेन्याङ्बो कल्याणकारी सङ्घका पदाधिकारीहरू पनि सहभागी थिए । मान्छेले अरूलाई पनि हँसाउँदै बाँच्नुपर्ने सोचाइबाट अभिप्रेरित भएर आप्mनो जन्मदिन बालबालिकासँग मनाएको उनले बताए । ‘त्यहाँ बालबालिकासँग कार्यक्रम गर्दा एक छिन भए पनि बालबालिका रमाउँछन् भनेर’, मेन्याङ्बोले थपे, ‘अनि अरूलाई पनि आप्mनो जन्मदिन यसरी नै मनाउन प्रेरणा प्राप्त होस् भनेर त्यहाँ गएका हौँ ।’

मेन्याङ्बो विजयपुर बचत सहकारी संस्था र सुनसरी चलचित्रकर्मी सङ्घका पनि अध्यक्ष छन् भने उनी अन्य विभिन्न सामाजिक सङ्घसंस्थामा पनि विभिन्न पदीय जिम्मेवारीमा छन् ।