श्रीमानको कुटपिटबाट श्रीमतिको मृत्यु

झापा/  झापाको दमक नगरपालिकामा आफ्नै श्रीमानको कुटाइबाट श्रीमतीको मृत्यु भएको छ । दमक नगरपालिका १० का राम कुमार लिम्बूको कुटाइबाट उनकै श्रीमती ४९ वर्षीय घनादेबी आचार्यको मृत्यु भएको हो । श्रीमानको कुटाएबाट गम्भीर घाइते भएकी घनादेबीको उपचारका क्रममा नोबल अस्पताल बिराटनगर पुर्याइको थियो ।

थप उपचार हुन नसक्ने भएपछि घर लैजाने क्रममा शुक्रबार बाटैमा उनको मृत्यु भएको थियो । कुटपिटमा संलग्न लिम्बुलाई ईलाका प्रहरी कार्यालय दमकले पक्राउ गरी थप अनुसन्धान गरिरहेको छ ।