रोट्रयाक्टको एन्टिबायोटिक्स सचेतना

धरान/ रोट्रयाक्ट क्लब अफ धरान घोपाले मंसिर २ गते देखि मंसिर ८ सम्म विश्व एन्टिमाइक्रोबियल जागरुकता सप्ताह मनाइरहेको छ ।

‘आजको संसारमा एन्टिमाइक्रोबियल प्रतिरोध एक “लुकेको महामारी“ बन्न पुगेको छ, जसको संकमणको जोखिममा हामी सबै छौँ । त्यसैले एन्टिबायोटिक्सको सचेतनाका साथ प्रयोग गरौँ, आफ्नो भविष्य सुरक्षित गरौँ ।’ भन्ने नाराका साथ कार्यक्रम सप्ताह भरी एन्टिबायोटिकहरूको सदुपयोग कसरी गर्ने र यसको दुरुपयोगको जोखिमबाट बच्ने उपायहरुको बारेमा जनचेतना फैलाउने कार्यक्रम संचालन गरिरहेको छ ।

 

 

 

 

वि. पि. कोईराला स्वास्थ्य विज्ञान प्रतिष्ठानकको बाल चिकित्सा वार्ड र मेडिसिन वार्डमा भर्ना भएका बिरामी तथा कुरुवाहरुलाई एन्टिबायोटिक प्रतिरोधको बारेमा सचेतना कार्यक्रम सञ्चालन गरेको छ । त्यसैगरी छाता चौकमा रहेको पुनर्वास घर, स्थानीयहरुका लागि पनि सचेतना कार्यक्रम संचालन गरेको छ । सप्ताहव्यापी जागरुकता कार्यक्रमको संयोजन आनन्द यादव र जेनिसा कार्कीले गरेका छन् । एन्टिमाइक्रोबियल प्रतिरोधको बारेमा आफूले जानेको र सिकेको ज्ञानहरु परिवार छरछिमेकमा फैलाउँदै जनचेतना जगाउन उनीहरुले सबैलाई आग्रह गरेका छन् ।