‘शान्ती सुरक्षामा सम्झौता गर्दिन’

इटहरी/ इलाका प्रहरी कार्यालय इटहरीमा बिहीबार नव नियुक्त डिएसपि खगेन्द्र खडकाले कार्यभार सम्हालेका छन । उनले शहरमा अपराध नियन्त्रण तथा शान्ति सुरक्षा स्थापित गराउने सवालमा कुनै राजनीतिक दल वा कसैसंग सम्झौता नगरी कानुन अनुसार काम गर्ने प्रतिबद्धता जनाएका छन् ।

केहि वर्ष अघि इटहरी प्रहरीमै प्रहरी निरिक्षकको जिम्मेवारी सम्हालेर अन्तै सरुवा भएर गएका थिए । त्यो बेला पनि इटहरीमा फस्टाएको बेश्याबृति अन्त्य गर्न तत्कालिन डिएसपि बिनोद कुमार शर्मालाइ साथ दिएका थिए ।

इटहरीमा हुने अपराधिक गतिविधिहरूलाइ नजिकबाट नियाली सकेका डिएसपी खड्काले समाजमा हुने अनैतिक गतिविधिको अन्त्यसंगै सुरक्षाको हिसाबमा कटिवद्ध भएर लाग्ने बताएका छन । उनले आफ्नो कार्यालयमा प्रहरी जनशक्ति कम भएपनि समाजमा सुरक्षा कायम गराउन बिभिन्न योजनाहरू बनाएर काम गर्ने बताए । प्रदेश एकको मुख्य ब्यापारीक केन्द्र भइसकेको र छोटो समयमै बिकाशले फड्को मारिसकेको इटहरीमा भएका शान्ति सुरक्षा र अपराध नियन्त्रणमा चुनौतिहरूको सामना गर्दै अघि बढने बताए । स्थानीय सरकार, जनप्रतिनिधि, राजनीतिक दल, नगरवासीको सहकार्यमा काम गर्ने उनले बताए ।