_1693980289.gif "#")
धरान । धरान–१२ को एम्स एकेडेमी र नेसनल मल्टिपल कलेजले विद्यार्थीहरूलाई मङ्गलबार स्वागत तथा विदाइ गरेको छ ।
एम्स एकेडेमीले भर्खरै कक्षा १२ को परीक्षा दिएका विद्यार्थीहरूलाई विदाइ गरेको हो भने नयाँ विद्यार्थीहरूलाई स्वागत गरेको हो । कक्षा १२ को परीक्षामा दुई सयभन्दा बढी विद्यार्थी सहभागी भएको एकेडेमीका प्रिन्सिपल मित्र तामाङले जनाए । अब नेसनल मल्टिपल कलेज पनि एकेडेमीमै गाभिएको छ ।
नेसनल कलेज पनि जोडिएपछि नयाँ पाँचवटा शैक्षिक कार्यक्रम सुरु गर्ने योजना रहेको एकेडेमीका एकेडेमिक निर्देशक नेत्र सुवेदीले बताए । उनले स्थानीय तहले शैक्षिक क्षेत्रलाई महत्व नदिएको विचार राखे । दक्ष जनशक्तिले संसारको जुनसुकै कुनामा बेरोजगार हुनु नपर्ने धारणा राख्दै एकेडेमिक निर्देशक सुवेदीले एम्सले रोजगारमुखी शिक्षा दिइरहेको बताए ।
यस्तै म्यानेजमेन्टका संयोजक दुर्गा सुवेदीले शुल्कमा सम्झौता गरिए पनि शैक्षिक गुणस्तर र अनुशासनमा कुनै सम्झौता नगरिने बताए । ‘अनुशासन र गुणस्तर नै एम्सको पहिचान हो ।’ उनले भने । एकेडेमीका विद्यार्थीहरूले कार्यक्रममा नृत्य र गायन प्रस्तुत गरेको शिक्षक सन्तोष कोइरालाले जनाए । सो अवसरमा विदा हुन लागेका विद्यार्थीहरूलाई विद्यालयले मायाको चिनो प्रदान गरेको थियो भने विद्यार्थीहरूले पनि विद्यालयलाई मायाको चिनो दिएका थिए । एम्समा अहिले विज्ञान, शिक्षा, मानविकी र व्यवस्थापन सङ्कायमा विभिन्न विषयको पठनपाठन भइरहेको छ ।
