_1693980289.gif "#")
विराटनगर/ होटलमा कोरोनाविरुद्धको खोप भेटिएको प्रकरणमा जिल्ला प्रशासन कार्यालयले झापाले छानबिन थालेको छ । बिर्तामोड नगरपालिकाले प्रकरणमा दोषी देखिनेलाई कार्वाही गर्ने प्रतिबद्धता जनाएको छ ।
शनिबार बिर्तामोड नगरपालिकाका मेयर ध्रुवकुमार शिवाकोटीले विज्ञप्ति प्रकासित गरी घटनामा संलग्न भएकालाई कार्वाही गर्ने प्रतिबद्धता जनाएका हुन ।
‘छानबिनका क्रममा कुनै पनि प्रकारको कैफियत भेटिएमा यस नगरपालिकाले दोषी उपर आवश्यक कार्वाही गर्ने प्रतिबद्धता व्यक्त गर्दछु,’ विज्ञप्तिमा भनिएको छ ।
हिजो शुक्रबार अपरान्ह ४ बजे स्वास्थ्य कार्यालयबाट बिर्तामोडका लागि पठाएको कोरोनाविरुद्धको १०३ भाईल भेरोसेल खोप बिर्तामोड नगरपालिकाका फोकल पर्सन ओमबहादुर खड्कासहित होटल टाइमलेसमा फेला परेको थियो ।
खोप के कति कारणले होटलमा बुझ्ने बुझाउने कार्य भएको हो सो विषयमा छानबिनका लागि झापाका सहायक प्रमुख जिल्ला अधिकारी तिलोचन रिमालको नेतृत्वमा सात सदस्यीय छानबिन समिति गठन भएको छ ।
७ दिनभित्र समितिले घटनाको सत्यतथ्य छानबिन गरी प्रतिवेदन बुझाउने बताइएको छ । प्रमुख जिल्ला अधिकारी श्रवण कुमार तिम्सिनाको अध्यक्षतामा बसेको बैठकले सहायक प्रजिअ रिमालको संयोजकत्वमा पाँच सदस्यीय छानबिन समिति गठन गरेको थियो । छानबिन नटुङ्गिएसम्मका लागि खड्कालाई पदबाट निलम्बन गरिएको छ ।
