_1693980289.gif "#")
धरान । बिपी कोइराला स्वास्थ्य विज्ञान प्रतिष्ठानका चिकित्सकहरुको साझा संस्था चिकित्सा तथा दन्त चिकित्सा कल्याण समाजको नयाँ पदाधिकारीहरुको पद हस्तान्तरण सम्पन्न भएको छ ।
गत असार १५ गते सम्पन्न भएको निर्वाचनबाट निर्वाचित पदाधिकारीहरुलाई पहभार हस्तान्तरण गरिएको हो । डा. अरुणकुमार सिंहको अध्यक्षतामा १० जना पदाधिकारीहरु निर्वाचित भएका थिए ।
समाजको उपाध्यक्षमा डा. लोकेश शेखर जयसवाल, महासचिवमा डा. आरती शर्मा, सहसचिवमा डा. विजयकुमार श्रीवास्तव, कोषाध्यक्षमा डा. राम विलक्षण साह रहेका छन् ।
त्यसै गरि सदस्यहरुमा डा. विजय साह, डा. कुणाल विक्रम देव, डा. दीपेन्द्र मिश्रा, डा. सोहनकुमार साह, र डा. सुवास बस्नेत रहेका छन् । निवर्तमान अध्यक्ष डा. विष्णु पोखरेलले पद हस्तान्तरण गरेका थिए ।
कार्यक्रममा निर्वाचन प्रमुख प्रा.डा. विक्रम श्रेष्ठले सफल कार्यकालका लागि शुभकामना दिएका थिए । दुई वर्षे कार्यकालका लागि समाजका नयाँ पदाधिकारीहरुलाई पद हस्तान्तरण गरिएको हो ।
