धरान । नेपालकै लेवल थ्रि कोरोना अस्पताल वीपी कोइराला स्वास्थ्य विज्ञान प्रतिष्ठानको अक्सिजन प्लान्ट बिग्रिएपछि धरानका राजनीतिक दलहरुले चाडो निर्माण गरी सञ्चालनमा ल्याउन दबाब दिएका छन् ।
नेपाली कांग्रेस, नेकपा एमाले (माधव पक्ष), नेकपा माओवादी, जनता समाजवादी पार्टी, संघीय लिम्बुवान राज्य परिषद, राष्ट्रिय जनमुक्ति पार्टी लगायतका दलहरुले सोमबार प्रतिष्ठानको उपकुलपतिको कार्यकक्षमा धर्ना दिदै संक्रमणकालीन अवस्थामा बीपीको अक्सिजन प्लान्ट मर्मतमा ध्यान नदिएको भन्दै मर्मत गरेर सञ्चालन गर्न दबाब दिएका छन् ।
कोभिड अस्पतालमा कोरोना संक्रमितहरुमा उपचारमा जोखिम हुने सम्भावना बढेर जाँदा समेत अक्सिजन प्लान्ट मर्मतमा ध्यान नदिएको, कोभिड अस्पतालको सेवाको विषयमा त्यहा उपचारार्थ विरामीका आफन्तले राम्रो उपचार नभएको गुनासो गरिरहेको बेला अस्पतालको सेवा गुणस्तरीय र प्रभावकारी बनाउनुपर्ने माग गरेका छन् ।
नेकपा माओवादी केन्द्रका धरान इन्चार्ज चोत्लुङले लेवल थ्रि कोरोना अस्पतालको उपचारमा लापार्बाही हुनु राम्रो नभएको बताए । उनले भने, ‘बीपीमा अक्सिजन अभावका कारण विरामीहरुले ज्यान गुमाइरहेका छन्, अक्सिन प्लान्ट बिग्रिएर थन्किएको छ, यस्तो अवस्थामा पनि प्रतिष्ठान कमिशनको खेलमा लाग्नु राम्रो होइन ।’
यस्तै नेकपा एमालेका अध्यक्ष नारायण सुवेदीले विरामीले अक्सिजन नपाएर ज्यान गुमाइरहदा प्रतिष्ठनका जिम्मेबार व्यक्ति गम्भीर नभएको आरोप लगाए । उनले भने, ‘अक्सिजनको अभावमा विरामी मरिरहेका छन् उउपकुलपति भने मुकदर्शक भएर बसेका छन् ।’
