पुर्वमन्त्री घिमिरेको निधन : जसले नेपालमा कम्युनष्टि पार्टीिको पहिलो कार्यालय खोलेका थिए "विश्व राजनीति तथा आर्थिक क्षेत्रको जानकारी राख्ने स्वर्गीय घिमिरेलाई ‘डा.हेनरी किसिन्जर’ को उपनामले पनि चिन्ने गरिएको स्थानिय सञ्चारमाध्यमहरुले उल्लेख गरेका छन् "

पूर्वमन्त्री एवं समाजसेवी राधाप्रसाद घिमिरेको शनिबार राती कोरोना संक्रमणबाट निधन भएको छ ।९१ वर्षीय घिमिरेकोे विराटनगरस्थित नोबेल मेडिकल कलेजको आइसोलेसनमा उपचारका क्रममा निधन भएको हो ।विराटनगर–२ निवासी स्वर्गीय घिमिरे २०३० सालको नगेन्द्रप्रसाद रिजालको मन्त्रिमण्डलमा शिक्षा एवं सञ्चार राज्यमन्त्री भएका थिए ।

उनी नेपाल कम्युनिष्ट पार्टीको संस्थापक सदस्य हुन् भने २४ वर्षको उमेरमै उनी नेपाल कम्युनिष्ट पार्टीको पोलिटव्यूरो सदस्य भएका थिए । स्वर्गिय घिमिरे नेपालमा कम्युनिष्ट पार्टिको पार्टि कार्यालय खोल्ने पहिलो ब्यक्तिपनि हुन् । उनी पुष्पलाल रायमाझि ,भारतमोहन अधिकारी,मनमोहन अधिकारीका सहयोद्धापनि हुन् । विभिन्न सामाजिक कार्य तथा नागरिक आन्दोलनमा सक्रिय घिमिरेलाई बिराटनगरमा ‘९० बर्षिया युवा’ भनेरपनि चिन्ने गरिन्थ्यो ।

नेपाल रेडक्रस सोसाइटी, क्षयरोग निवारण संस्था आदि सामाजिक संस्थाहरुमा लामो समयसम्म रहेर उनले सामाजिक क्षेत्रमा सेवा पुर्यारएका थिए ।उनी स्थानीय तथा राष्ट्रिय स्तरका पत्रपत्रिकाको नियमित पाठक पनि थिए । पायोनियर प्रेस नामक छापाखाना चलाएर उनले मुद्रण व्यवसायमा पनि समय बिताएका थिए ।

विश्व राजनीति तथा आर्थिक क्षेत्रको जानकारी राख्ने स्वर्गीय घिमिरेलाई ‘डा.हेनरी किसिन्जर’ को उपनामले पनि चिन्ने गरिएको स्थानिय सञ्चारमाध्यमहरुले उल्लेख गरेका छन् । घिमिरेको विषयमा विराटनगरका सोभान नेपालले फेसबुकमा यसरी लेखेका छन् ।