धरान । कोरोना महामारीको कराण मनिसहरुले अक्सिजन सिलिन्डर स्टक गर्न थालेपछि नेपालमा अक्सिजन सिलिन्डरको अभाव हुन थालेको छ ।
सिलन्डर अभाव हुन नदिन सोमबार (आज) नेपाल वायुसेवा निगमको विमान अक्सिजन सिलिन्डर लिन चीनको बेइजिङ जाने भएको छ ।
तत्कालका लागि करिब ६ सय थान अक्सिजन सिलिन्डर, १० थान भेन्टिलेटर र केही अक्सिजन कन्स्ट्रक्सनसमेत ल्याउनका लागि निगमको विमान बेइजिङ जान लागेको हो । चिनबाट खाली सिलिन्डर ल्याएर अक्सिजन भने नेपालमै भरिनेछ ।
विमान सोमबार (आज) राति ११ः३० बजे चीनको बेइजिङ जान लागेको हो । अक्सिजन सिलिन्डर लिएर विमान मंगलबार अपरान्ह २ः३५ मा काठमाडौंमा अवतरण गर्नेछ ।
तत्कालका लागि ४ सयदेखि ६ सय थान सिलिन्डर ल्याउन लागेको भएपनि आवश्यकता अनुसार २० हजार थानसम्म अक्सिजन सिलिन्डर ल्याउने सरकारको तयारी रहेको छ ।
